23:684  la  promesse  fust  ratifiee  par  le  moyen  qui  estoit  requis:  mais  pource  qu'il  a  este  trop  hastif,  Dieu  luy  dit,  Non:  il  repousse  ceste  trop  grande  ardeur  et  vehemence.  Non  pas  qu'il  ne  luy  fust  licite  de  requerir  que  le  Redemptur  luy  fust  monstre:  mais  il  y  a  tousiours  mesure,  et  nous  faut  quoy  qu'il  en  soit,  reposer  eu  la  providence  de  Dieu:  car  il  cognoit  le  temps  opportun  de  faire  ce  qui  nous  est  bon.  C'est  donc  a  nous  d'estre  quois  et  paisibles,  et  c'est  aussi  le  propre  de  la  foy,  comme  l'Escriture  en  parle  [pag.  100].  En  somme  nous  voyons  que  Dieu  a  ici  monstre  que  la  requeste  d'Abram  luy  cstoit  agreable  quant  a  l'amour  d'avoir  lignee,  sachant  a  quelle  fin  elle  tendoit.  D'autant  qu'il  y  avoit  quelque  foiblesse,  il  y  adiouste  confirmation:  car  il  le  tire  hors  de  sa  tente,  et  luy  dit:  (Regarde  les  estoilles  du  ciel:  si  tu  les  peux  nombrer,  ta  semence  se  pourra  aussi  conter).  Mais  s'il  y  a  comme  un  nombre  infini  d'estoilles,  tellement  que  la  veue  eu  soit  esblouye  quand  tu  les  voudras  regarder:  ainsi  ta  semence  se  multipliera  d'une  facon  non  accoustumee,  en  sorte  que  les  hommes  en  seront  esbahis,  pource  que  cela  surmontera  leur  sens  et  opinion.  Or  comme  nous  avons  traitte  cy  dessus  au  chap.  12,  ce  passage  ne  peut  estre  expose  que  Iesus  Christ  ne  soit  constitue  chef,  et  comme  lien  de  la  semence  d'Abram:  car  nous  verrons  cy  apres  qu'Ismael  a  este  engendre,  toutesfois  la  promesse  n'a  pas  este  accomplie:  si  estoit-il  fils  naturel  d'Abram  pourtant,  mais  ii  n'estoit  pas  fils  naturel  de  la  promesse,  dit  sainct  Paul.  Il  ne  faut  donc  point  prendre  ici  une  generation  charnelle:  mais  il  nous  faut  venir  plus  haut,  c'est  de  savoir  discerner  entre  les  enfans  d'Abram  qui  demeurent  en  leur  ordre  et  en  leur  estat,  et  par  ce  moyen  sont  aussi  recognus  et  avouez  enfans  de  Dieu,  et  les  enfans  qui  s'abastardissent,  combien  qu'ils  soyent  descendus  de  sa  [pag.  loi]  race.  Comme  depuis  quand  Isaac  a  engendre  Esau  et  Iacob:  combien  qu'Esau  soit  le  premier  ne,  toutesfois  il  ne  laisse  pas  d'estre  reiette