9:683  683  DOCTRINAE  DE  COENA  684  tione  porro  duo  constituunt,  posteaquam  sacra  est  actio:  nempe  id  quod  videtur  inque  sensus  nostros  incurrit,  et  quod  non  videtur  quidem,  nec  sentitur,  sed  per  visibilem  illam  sensibilemque  actionem  designat.  1)  Postea  extremam2)  illam  actionem  totam  quae  in  sensus  incurrit,  symbolum  sacramenti,  res  item  quae  actioni  adhibentur,  elementa  sacramenti  vocant.  Id  vero  quod  per  symbolum  designatur,  quodque  non  videtur,  mysterium  appellant,  eiusque  suae  doctrinae  fontes  in  Irenaeo  commonstrant:  quod  is  eucharistiam,  hoc  est  ipsum  coenae  dominicae  sacramentum,  duabus  rebus  constare  docet,  terrena  videlicet,  hoc  est,  externa  quae  videtur  actione,  nempe  panis  et  poculi  participatione,  et  coelesti,  nempe  spirituali  eorum  invisibilique  mysterio  quod  per  externam  illam  visibilemque  actionem  designatur.  Sunt  praeterea  qui  sacramenti  nomen  pro  ipso  duntaxat  invisibili  spiritualique  mysterio  usurpant,  vulgatum  videlicet  novi  testamenti  interpretem  sequuti,  qui  apud  Paulum  vocem  graecam  μυστήριον  multis  locis  per  sacramentum  latine  reddidit  (Ephes.  1,  3.  4  coll.  1.  Tim.  3).  Haec  vero  tam  varia  vocis  huius  usurpatio  doctrinam  nobis  hodie  de  coena  Domini  non  leviter  inoluit,3)  dum  non  ad  unum  ubique  modum  vox  sacramenti  in  tota  disputatione  accipitur.  Id  ut  omnes  intelligant,  uno  hoc  exemplo  verum  esse  ostendemus.  Multos  audimus  qui  sacramenta  in  ipsa  actione,  non  autem  in  rebus  illis  quae  actioni  adhibentur,  posita  esse  fatentur:  qui  interim  tamen  in  progressu  ipso  disputationis  et  dari  et  percipi  sacramenta  dicent.  Hi  vero  iam  variant  sacramenti  significationem,  ipsamque  disputationem  protinus  involvunt.  Tam  enim  inepte  dicimus  in  disputatione  seria,  praesertim  ubi  simplicissimis  et  planissimis  verbis  omnia  sunt  agenda,  dari,  distribui,  edi  et  percipi  sacramentum  (si  quidem  sacramentum  non  sane  pro  rebus  actioni  adhibitis,  sed  pro  ipsa  actione  accipiamus),  quam  inepte  opus  ipsum  actionis  sacrae  dari  seu  distribui,  item  et  percipi  diceremus,  et  tamen  hanc  sacramenti  significationem  in  una  eademque  disputatione  variari,  et  proinde  disputationes  quoque  ipsas  involvi  non  raro  videmus.  Est  igitur  nobis  constituenda  retinendaque  perpetuo  in  nostra  hac  disputatione  certa  aliqua  vocis  huius  significatio  quam  perpetuo  sequamur:  id  quod  in  symbolorum  item  ac  mysteriorum  inque  elementorum  vocibus  faciemus,  quandoquidem  in  iis  summa  fere  controversiae  totius  versatur.  Nec  tamen  alias  interpretationes  ideo  ullis  gravamus  praeiudiciis,  quod  nobis  unam  prae  aliis  sequendam  esse  putamus:  sed  hoc  facimus,  ut  doctrinam  nostram  clare  et  perspicue  piis  omnibus  ap-  1)  designatur.  2)  externam.  3)  involvit?