35:683  683  S  E  R  M  O  N  S  684  voquant,  sinon  que  ce  soit  au  nom  de  Iesus  Christ.  Et  pourquoy?  Nous  avons  les  bouches  pollues  et  infectes:  voire  nous  sommes  pleins  de  corruption:  il  n'y  a  que  vermine  en  nous,  mais  d'autant  que  nostre  Seigneur  Iesus  s'est  abbaisse  iusques  a  ceste  condition  de  supplier,  et  d'estre  la  en  nostre  personne  requerant  Dieu  son  Pere:  nous  devons  estre  fondez  et  appuyez,  quand  il  est  question  de  fonder  nos  prieres  auiourd'huy.  Il  est  vray  que  tout  ainsi  qu'Isaie  dit  que  Iesus  Christ  a  prie  pour  les  iniques,  aussi  luy  mesme  proteste  qu'il  ne  prie  point  pour  tout  le  monde,  pour  ceux  qui  se  plaisent  en  leurs  iniquitez,  et  qui  y  demeurent  avec  obstination:  car  ceux-la  sont  retranchez  de  ce  bien  et  privilege,  qui  est  reserve  seulement  pour  les  enfans  de  Dieu.  Si  donc  nous  demeurons  au  monde,  et  que  nous  soyons  separez  de  nostre  Seigneur  Iesus  Christ,  ii  est  certain  que  ce  qu'il  a  prie  Dieu  son  Pere,  ne  nous  appartient  pas,  et  ne  nous  peut  rien  profiter:  mais  escoutons  ce  qu'il  dit,  Voyci,  ie  leur  ay  annonce  ta  Parolle,  et  ils  ont  creu.  Ie  prie  pour  eux.  et  non  seulement  pour  eux  (c'est  a  dire  pour  les  disciples)  mais  pour  ceux  qui  croiront  en  leur  doctrine.  Ainsi  donc  auiourd'huy  cognoissons  que  nous  sommes  associez  aux  disciples  et  Apostres  de  nostre  Seigneur  Iesus  Christ,  et  que  ceste  priere  qu'il  a  faite  un  coup,  auiourd'huy  nous  servira,  et  qu'elle  nous  donnera  ouverture  a  toutes  nos  oraisons,  moyennant  que  nous  recevions  la  doctrine  de  l'Evangile  en  obeissance  de  foy.  Ainsi  il  ne  faut  point  que  maintenant  nous  soyons  en  doute  comment  nous  deverons  former  nos  requestes:  car  puis  que  nous  scavons  que  Iesus  Christ  a  prie,  il  ne  faut  plus  que  nous  disions,  Et  comment  serons-nous  asseurez  que  la  vertu  de  ceste  oraison  la  parviene  iusques  a  nous?  Croyons  a  l'Evangile,  et  nous  suyvrons  les  Apostres  et  disciples,  et  serons  conioints  avec  eux.  Voulons  nous  dementir  le  Fils  de  Dieu  qui  est  la  verite  eternelle  et  immuable?  Or  il  a  prononce  de  sa  bouche  que  tous  ceux  qui  receveront  la  doctrine  de  l'Evangile  sont  conioints  a  ceste  priere  et  qu'il  les  y  a  comprins.  Puis  qu'ainsi  est  donc,  combien  que  d'un  coste  nous  soyons  povres  malfaiteurs,  et  pourtant  indignes  d'approcher  de  Dieu,  toutesfois  par  le  moyen  de  l'Evangile,  quand  nous  embrasserons  en  foy  les  promesses  qui  y  sont  contenues,  alors  nous  serons  presentez  a  Dieu,  a  ce  que  non  seulement  nous  luy  soyons  agreables,  d'autant  que  son  Fils  unique  a  intercede  pour  nous,  mais  aussi  qu'auiourd'huy  nous  le  puissions  aussi  bien  invoquer,  et  que  nous  soyons  compagnons  de  Iesus  Christ  en  cela:  comme  il  dit,  Me  voyci,  moi  et  les  serviteurs  que  tu  m'as  donnez.  Il  se  presente  la  en  premier  lieu  (comme  il  a  este  declare  au  8.  chapitre)  et  puis  il  amene  toute  sa  troupe,  Et  ceux  que  tu  m'as