9:681  681  BREvE  ET  CLARUM  DOCTRINAE  DE  COENA  DOMINI  COMPENDIUM.  Res  plane  dolenda  est  adeoque  et  pudenda  prorsus  quod  inde  potissimum  turbae  in  ecclesia  excitentur  circa  coenae  dominicae  considerationem,  unde  summae  alioqui  concordiae,  mu  tuaeque  inter  nos  coniunctionis  certissima  procul  dubio  et  argumenta  et  incitamenta  peti  debebant  Sed  hoc  multo  est  gravius  quod,  dum  inter  nos  ita  hic  digladiamur,  coena  ipsa,  sanctissima  alioqui  Christi  Domini  institutio,  non  viluerit  modo  passim,  sed  iam  in  contemptum  plane  etiam  abierit,  non  sine  magna  profecto  indignitate,  quum  ipsiusmet  Christi  Domini,  quem  sane  in  suis  institutionibus  aut  contemnimus  aut  honoramus,  tum  vero  etiam  totius  ecclesiae  et  evangelii  Christi.  Quum  autem  dubium  non  sit  horum  omnium  autorem  esse  Satanam  ipsum,  qui,  ut  inducta  olim  missa,  quam  vocant,  impietate  et  idololatria  coenae  usum  paene  sustulerat,  ita  et  nunc  excitatis  circa  illam  doctrinae  dissidiis  in  contemptum  eam  adducere  conatur.  Quumque  multis  item  ac  horribilibus  exemplis  doceamur,  gravissime  a  Deo  puniri  contemptum  et  profanationem  suarum  institutionum,  a  quibus  equidem  recte  legitimeque  observandis  plurimas  ecclesias,  tam  missaria  illa  superstitione  quam  novis  istis  doctrinae  dissidiis,  abductas  fuisse  magna  ex  parte  videmus,  occurrendum  hic  Satanae  conatibus  esse  putamus  :  vel,  quod  in  nobis  est,  ecclesiis  istis  pro  nostra  virili*)  easque  ad  unanimem  rursum  doctrinae  de  coena  Domini  consensum  revocaremus,  quo  equidem  inducto  facile  demum  recta  etiam  legitimaque  coenae  observatio  restitui  potest.  Doctrinae  porro  consensum  ita  demum  omnium  rectissime  et  facillime  induci  posse  confidimus,  si  nos  et  a  papisticae  superstitionis  praestigiis,  et  a  nostra  rursum  securitate  nimia,  quae  omnis  contemptus  mater  est,  alienos  esse  declaremus.  Nempe  ut  nostram  de  coena  dominica  doctrinam  totam  intra  septa  evangelicae  atque  apostolicae  doctrinae  1)  Mic  nonnulla  interciderunt