8:681  681  EPISTOLAE  AD  CALVINUM.  682  recipitur,  ut  E^ech.  14.  Aliquando  in1)  precibus  impetratur.  Proinde  in  oratione  tua,  si  locos  illos  veteris  testamenti  parvulis  carnis  accommodare  lubet,  quando  eis  manus  imponis,  Christum  imitando,  ita  pro  eis  orabis:  O  Deus,  pater  coelestis,  qui  olim  dixisti,  te2)  Abrahae  et  filiorum  eius  fore  Deum,  et  Israelitarum  filios  tibi  nasci  filios,  eos  in  tuam  protectionem  suscipiens,  ut  tibi  deinceps  servirent,  verbo  tuo  credentes,  protege  nunc,  et  in  coeleste  regnum  tuum  infantes  hos  tibi  serva,  ut  tibi  fideles  serviant  in  regno  tuo.  O  Iesu  clementissime,  fili  Dei,  qui  tanto  amoris  indicio  parvulos  in  ulnas  tuas  benedicens  assumpsisti,  benedic  nunc  et  manu  virtutis  tuae  parvulos  hos  dirige,  ut  fide  coelesti  tua  possint  coelestis  regni  tui  fieri  vere  participes.  O  mitissime  Iesu,  filiia)  Dei,  qui  ab  utero  fuisti  semper  innocentissimus,  da  nobis  infantium  horum  simplicitate  sine  dolo  versari,  ut  regnum  coelorum,  quod  talium  esse  dixisti,  gratia  tua  nobis  tale  semper  servetur,  in  eumque  hi  facti  parvuli  spiritus,  tua  immensa  pietate  assumantur  Amen.  EPISTOLA  DECIMA  SEPTIMA.  Miraris  tu,  quod  ego  nullam  corpori  Christi  adhibeam  certi  loci  circumscriptionem  in  parte  quapiam  coeli.  Indeque  a  pari,  quasi  inconveniens  deducis,  nobis  nullum  fore  locum  post  finalem  resurrectionem.  Sed  responsio  facilis  est.  Neque  nos  erimus  pares  Christo,  neque  in  [pag.  620]  nobis  erit  aliqua  loci  circumscriptio.  Simul  cessabunt  locus  et  tempus.  Ua  tunc  erunt,  quae  nec  oculus  vidit,  nec  auris  audivit,  nec  in  cor  hominis  tale  quid  ascendit.  Cessabunt  locus,  tempus  et  motus,  coelo  et  terra  dissolutis.  In  firmamenti  expansione  consistit  locus,  et  hoc  cessabit.  De  Christo  autem  id  sublimi  mente  cogites  oportet.  Sicut  variae  huius  temporis  partes  sunt  Christo  nunc  aeque  praesentes,  ita  et  variae  huius  globi  partes.  Nulla  earum  ipse  circumscribitur,  nec  uno,  vel  pluribus  locis  conclusus  continetur.  Sola  idea  divina  nos  post  resurrectionem  continebimur.  Sola  principe  idea  divina  ipse  princeps  continetur,  et  per  eam  est,  ubique4)  vult,  sine  locali  motu.  Extra  omne  quantitatis  corpus  est  spirituale  corpus,  in  novo  coelo.  Non  est  Christus  in  aliqua  horum  coelorum  parte,  sed  in  tertio  coelo:  ubi  omnia  implet,  est  omnia  in  omnibus,  et  intra  nos  est.  Christus  est  supra  locum,  est  supra  tempus.  Si  locum  dicere  lubet,  locus  eius  est  Deus.  Non  est  moles  carnis  eius,  ut  aer  hic,  in  orbem  diffusa:  sed  est  ipse  homo  ita  in  Deo,  ut  in  cordibus  istorum,  et  illorum,  in  quibus  vult,  simul  sit  sola  sui  1)  id.  2)  et.  3)  fili.  4)  ubi.