35:681  681  DE  LA  PROPHETIE  DE  CHRIST.  682  nostre  Pere?  ne  seroit-ce  pas  trop  grande  presomption  a  nous  de  venir  ainsi  priveement  a  Dieu,  et  de  nous  vanter  d'estre  ses  enfans,  sinon  que  nous  eussions  qui  portast  la  parolle?  Et  ou  est-ee  que  nous  trouverons  advocat  ni  procureur  qui  puisse  tant  faire  pour  nous,  iusques  a  ce  que  nous  venions  a  Iesus  Christ?  Voyla  donc  ce  que  le  Prophete  a  voulu  adiouster  pour  la  conclusion  de  ce  qu'il  traitte:  Ascavoir  que  Iesus  Christ  a  prie  pour  les  iniques.  Or  il  est  vray  qu'en  la  croix  il  a  bien  demande  pardon  et  grace  a  Dieu  son  Pere  pour  ceux  mesmes  qui  l'avoyent  persecute.  Pere,  pardonne  leur  (dit-il)  car  ils  ne  scavent  qu'ils  font.  Voyla  une  priere  que  nostre  Seigneur  Iesus  a  faite  pour  les  iniques,  et  pour  ceux  qui  estoyent  ses  ennemis,  qui  l'avoyent  traitte  si  cruellement,  et  par  la  main  desquels  il  estoit  crucifie  :  mais  le  Prophete  n'a  point  seulement  parle  de  ceste  priere  speciale,  plustost  il  a  voulu  declarer  la  Sacrificature  de  nostre  Seigneur  Iesus  Christ.  Cependant  notons  bien  que  ce  n'est  point  sans  cause  qu'il  parle  yci  des  iniques.  Ci  dessus  il  a  este  dit  qu'il  avoit  porte  le  peche  du  peuple  de  Dieu,  et  souffert  pour  les  iniquitez  de  plusieurs:  mais  maintenant  le  Prophete  attribue  un  autre  titre  a  ceux  pour  lesquels  Iesus  Christ  a  prie,  et  les  nomme  transgresseurs.  Quand  il  a  parle  du  peuple  de  Dieu,  c'estoit  pour  monstrer  que  ceux  qu'on  estimera  les  plus  iustes  et  les  plus  excellens,  ont  besoin  de  la  remission  de  leurs  pechez:  et  qu'ils  ne  la  peuvent  trouver  sinon  d'autant  que  Iesus  Christ  a  espandu  son  sang  pour  les  nettoyer  et  laver.  Voyla  donc  pour  un  item:  que  si  nous  voulons  estre  de  l'Eglise,  et  estre  avouez  du  troupeau  de  Dieu,  il  faut  que  nous  scachions  que  c'est  d'autant  que  Iesus  Christ  est  nostre  Redempteur;  et  ne  craignons  pas  d'y  venir  en  grand  nombre,  mais  plustost  que  chacun  y  attire  ses  prochains,  d'autant  qu'il  est  suffisant  pour  nous  sauver  tous.  Au  reste  il  est  yci  dit  que  nous  sommes  transgresseurs,  afin  que  nous  pensions  bien  a  nos  pechez:  car  nous  scavons  l'audace  et  la  temerite  qui  est  es  hommes,  tellement  que  bien  souvent  nous  aurons  plus  de  honte  et  de  modestie,  quand  nous  requerrons  quelque  homme  mortel,  que  nous  n'en  monstrerons  pas  devant  Dieu.  Or  le  Prophete  rabbat  yci  tout  cest  orgueil  et  hautesse,  quand  ii  nous  nomme  iniques:  comme  s'il  disoit,  Malheureux,  qui  estes  vous  qui  presumez  d'invoquer  Dieu,  et  de  l'appeler  vostre  Pere?  dont  vous  vient  ceste  dignite-la?  Qui  osera  entreprendre  de  venir  en  la  presence  de  la  maieste  de  Dieu,  pour  dire,  Ie  suis  de  tes  enfans?  Allez  (dit-il)  cachez  vous  car  vous  estes  tous  malfaiteurs,  et  venans  devant  Dieu,  vous  venez  comme  devant  vostre  Iuge,  et  faut  que  vous  trembliez  et  soyez  du  tout  confus.  Mais  il  y  a  un  seul  remede  qui  vous  peut  mettre  en  seurete,  c'est  qu'en  invo-