8:680  baptizatus?  Quorsum  hoc  discrimen?  Annon  hic  discernuntur  legis  et  evangelii  tempora?  De  veteri  foedere  dixit  Abrahae  Deus:  Erit  foedus  meum  in  carne  vestra.  Deinde  nobis  per  prophetam  ait:  Erit  foedus  meum  in  spiritu  vestro.  Olim  in  carnali  foedere  [pag.  618]  parvuli  carnis  censebantur  filii.  Nunc  Uli  soli  sunt  filii,  qui  per  fidem  fiunt  filii  Dei.l)  Quum  foedus  illud  ab  inferno  non  liberaret,  et  mundana  tribueret,  ad  id  admittebantur  infantes,  ut  sub  Dei  protectione  viverent.  Carnalis  illa  filiatio  olim  figurabat  sublimiorem  aliam,  quam  attulit  Christus.  Quod  in  parvulis  carnis  olim  gerebatur,  figurabat  sublimiora  alia  in  parvulis  spiritus  per  Christum  futura.  Expedita  iam  est  responsio  ad  id,  quod  de  carnali  semine  Abrahae  tu  citas.  Vice  carnalis  est  nobis  spirituale  semen.  Semen  Abrahae  Christus  est,  et  ii,  qui  ei  credunt.  Quod  dictum  illud  Abrahae  non  ad  filios  carnis,  sed  ad  filios  spiritus  debeat  hodie  referri,  manifeste  docet  Paulus,  dicens,  non  filios  carnis,  sed  eos,  qui  ex  fide  sunt,  esse  filios  Abrahae,  et  semen  Abrahae  (Gal.  3,  Hom.  a  et  9).  Aperte  ibi  docet,  Abrahamum  esse  patrem  credentium,  non  aliorum:  et  filios  carnis  non  esse  filios  Abrahae,  sed  filios  spiritus  per  fidem.  Eos  solos  esse  filios  promissionis  docet,  quum  ad  eos  solos  extendatur  hodie  promissio  spiritualiter  intellecta.  De  Ezechielis  dicto  similiter  dicendum,  fuisse  tunc  filios  carnis.  Deus  dicebat,  eos  nasci  sibi  filios,  quia  erant  sub  ipsius  paterna  protecdone,  et  quia  futuri  erant  Deo  sacri,  umbra  futurorum.  Veri  enim  filii  Deo  nascuntur  in  baptismo,  nativitate  superna.  Ex  radice  sancta  eos  ais  nasci  sanctos,  quum  vere  nascantur  filii  irae,  ut  ipse  fateris.  Qualiscunque  sit  praedestinatio,  filii  irae  nascuntur  cum  Paulo,  et  fides  postea  eos  vere  facit  filios  Dei.  Comparatione  ad  filios  ethnicorum  facta,  dicebantur  ipsi  potius  nasci  sancti,  id  est,  Deo  magis  praeparati  ad  verbum  eius  suscipiendum.  Sanctificare  enim,  si  hebraice  nostri,2)  idem  est,  quod  Deo  praeparare.  Ex  matrimonii  sanctificatione  dicuntur  Paulo  nasci  filii  sancti,  id  est  non  spurii,  non  immundi  (1.  Cor.  7).  Immundities  dicitur  in  spuriis  et  filiis  ethnicorum,  praeparatio  et  pronitas  ad  immundos  et  obscoenos  parentum  mores.3)  In  contrariis  autem  sanctificatio,  ad  sacram  [pag.  619]  viam  maior  praeparatio.  Nihilominus  filii  irae  nascuntur  omnes.  Longissime  distat  generatio  ex  sanguinibus,  aut  ex  carne,  a  generatione  quae  est  ex  Deo  (Ioan.  1).  Sanctos  vocat  Paulus  infantes  non  baptizatos,  et  tu  inde  baptizatos  infers?  Constat  ibi  non  baptizari,  quum  praesertim  esset  tunc  infans  in  potestate  patris  ethnici.  Quod  in  pii  parentis  gratiam  filio  Deus  benefaciatx  aliquando  non  1)  per  fidem  filii  Dei  sunt.  2)  nosti.  3)  amores.