23:680  Dieu.  Les  Turcz,  les  Iuifs,  les  Papistes  abuseront  de  ce  sainct  nom:  mais  ils  ne  le  font  que  polluer,  d'autant  que  les  Turcz  adorent  ce  qu'ils  ont  forge  en  leur  cerveau,  et  blasphement  a  l'encontre  du  Dieu  vivant.  Car  qui  n'a  point  le  [pag.  93]  Filz,  il  n'a  point  le  Pere,  selon  qu'il  est  dit  en  S.  Iean:  et  quand  le  Filz  n'est  point  honore,  le  Pere  recoit  cela  a  son  opprobre.  Car  son  image  vive  ne  peut  estre  en  mespris,  qu'on  ne  face  outrage  a  sa  maieste.  Ainsi  donc  les  Turcz  n'adorent  qu'un  diable  souz  le  nom  de  Dieu.  Des  Papistes,  quand  on  leur  parlera  que  Iesus  Christ  est  nostre  advocat,  cela  leur  est  insupportable,  et  si  n'osent  pas  nier  du  tout  l'Escriture  saincte:  tant  y  a  que  cela  leur  est  une  proposition  heretique  et  scandaleuse,  d'autant  que  de  la  on  prendra  occasion  de  dire  que  les  Sainctz  et  les  Sainctes  n'intercedent  point  pour  nous.  Quand  on  parlera  de  la  remission  gratuite  de  nos  pechez:  et  puis,  qu'il  ne  se  faut  plus  amuser  a  ceste  idolatrie  de  leur  Messe,  qui  est  une  abomination  plus  qu'infernale,  les  voila  si  enragez,  que  si  on  avoit  cent  fois  blaspheme  contre  le  Dieu  vivant,  ce  ne  seroit  point  tant  que  d'avoir  dit  un  seul  mot  contre  ceste  idole.  Or  donc  nous  voyons  qu'il  n'y  a  que  diablerio  en  la  religion  des  Papistes.  Quant  aux  Iuifz,  ils  ont  renonce  nostre  Seigneur  Iesus  Christ.  Or  nous  avons  desia  monstre  que  le  Filz  ne  peut  estre  separe  d'avec  le  Pere:  et  quand  ils  Font  reiete,  ils  se  sont  fermez  la  porte,  et  ont  delaisse  le  principal  de  l'alliance  que  Dieu  avoit  traitee  avec  eux:  c'est  assavoir  d'autant  qu'ils  n'ont  point  voulu  estre  participans  du  salut  qui  leur  a  este  apporte  [pag.  94]  par  nostre  Seigneur  Iesus  Christ.  Voila  donc  comme  on  abuse  du  nom  de  Dieu  par  tout.  Ainsi  en  a-il  este  du  temps  d'Abram.  Voila  donc  pourquoy  il  l'appelle  l'Eternel,  et  puis  apres  le  Souverain:  et  c'est  pour  le  discerner  d'avec  les  idoles.  Car  les  Payens  ont  bien  cognu  qu'il  y  avoit  quelque  divinite  souveraine:  mais  ils  ont  tousiours  voulu  avoir  une  garenne  de  petits  dieux  a  leur  poste.  Abram  se  retire  de  la,  et  dit  qu'il  n'y  a  que  l'Eternel  qui  soit  souverain.  Et  puis  il  adiouste,  Possesseur  du  ciel  et  de  la  terre:  pour  monstrer  que  Dieu  n'est  point  au  ciel,  comme  l'imaginent  des  fantastiques,  pour  dire  qu'il  soit  la  assis,  et  qu'il  specule  ce  qui  se  fait  au  monde:  qu'il  se  contente  d'avoir  une  fois  cree  toutes  choses,  et  que  maintenant  il  nous  laisse  sauter  ici  bas  comme  grenouilles.  Abram  donc  monstre  qu'il  n'a  point  une  opinion  si  lourde  de  Dieu,  mais  qu'il  luy  attribue  une  vertu  infinie  laquelle  s'espand  par  tout.  Ceci  est  pour  nous  faire  cheminer  en  la  crainte  de  Dieu,  et  pour  nous  advertir  que  nous  sommes  devant  ses  yeux,  qu'il  n'y  a  ny  paroles  ny  pensees  qui  ne  viennent  a  conte  devant  luy:  car  Dieu  n'est  point  possesseur  du  ciel  et  de  la  terre  pour  manger,  il  n'a  que  faire  de