9:68  tum  potest  obscurat,  paci  et  concordiae  esse  inimicum  :  atque  etiam  impudenter  in  arenam  committere,  [pag.  49]  qui  maiore  consensu  hoc  caput  doctrinae  iisdem  verbis  explicant,  quam  hactenus  fecerit  unus  quispiam  ex  eorum  grege,  quos  nobis  hostes  opponit.  Nunc  ad  secundam  partem  descendo,  in  qua  obiectae  calumniae  crimen  a  se  depellere  conatur,  quasi  vere  dixerit  nos  in  sacramentis  nihil  praeter  vacua  signa  relinquere,  ubi  clare  perspicere  licet  quanto  stupore  ad  contumaciam  obduruerit.  Testamur  passim  in  scriptis  nostris  longe  differre  ab  inanibus  figuris  quae  Dominus  nobis  reliquit  gratiae  suae  testimonia  et  sigilla.  Diserte  hoc  Consensus  praedicat,  Dominum  qui  verax  est,  intus  praestare  suo  spiritu  quod  oculis  figurant  sacramenta:  nec  quum  distinguimus  inter  signa  et  res  signatas,  disiungere  a  signis  veritatem.  Hunc  locum  luculentius  et  uberius  persequitur  Defensio.  Summa  tamen  est,  vere  nobis  Christum  offerri  per  sacramenta,  ut  eius  facti  participes  bonis  eius  omnibus  potiamur,  ut  denique  ipse  vivat  in  nobis,  et  nos  in  ipso.  Qui  ex  adverso  clamitat,  statui  a  nobis  vacua  signa,  an  non  aperte  Christum  totamque  eius  virtutem  in  nihilum  redigit?  Nam  si  quid  est  Christus,  et  si  quo  in  pretio  habentur  spirituales  [pag.  50]  eius  divitiae,  pignus  quo  se  nobis  communicat,  vacuum  et  inane  dicendum  non  est.  Si  nunc  excipiam,  quod  optimo  iure  licet,  Christum  nihil  prorsus  esse  Westphalo,  gravem  sibi  fieri  iniuriam  quiritabitur.  Sed  quem  putat  esse  tam  hebetem,  cui  non  sponte  in  mentem  veniat,  iudicium  hoc  facere?  Ac  ne  litigando  plus  verborum  consumam,  respondeat  ipse  uno  verbo,  si  contendit  vacua  esse  signa,  quae  veram  Christi  fruitionem  afferunt,  quanti  Christum  aestimet?  Si  tota  spiritualium  bonorum  plenitudo  non  facit,  ut  quidquam  veri  et  solidi  signa  contineant,  an  non  spiritus  sancti  virtus  secundum  eum  evanescit?  Quibusnam  praestigiis  illudet,  ut  non  statim  appareat  exsecranda  haec  blasphemia?  Nam  quod  integumentis  quibusdam  lucem  obscurat,  puerile  effugium  est.  Refert  excogitatos  fuisse  tropos  vel  in  verbo  Est,  vel  in  voce  Corporis,  ad  probandam  Christi  absentiam≫  Atqui  secundum  nos  panis  ita  corpus  significat,  ut  vere,  efficaciter,  ac  re  ipsa  nos  ad  Christi  communicationem  invitet.  Dicimus  enim  veritatem  quam  continet  promissio,  illic  exhiberi,  et  effectum  externo  symbolo  annexum  esse.  Tropus  [pag.  51]  ergo  signum  minime  evacuat,  sed  potius  ostendit  quomodo  non  sit  vacuum.  Nihilo  etiam  magis  localis  corporis  absentia  signi  exinanitio  est,  quia  non  desinit  Christus  se  offerre  suis  fidelibus  fruendum,  quamvis  in  terram  non  descendat.  Ac  frustra  in  miseram  hanc  latebram  se  abdit,  quum  alicubi  fatear  Oecolampadium  et  Zvinglium  inter  disputationis  exordia,  ad  refellendam  superstitionem  nimis  atten-