7:68  preschee,  et  que  suyvant  la  reigle  qu'elle  nous  baille,  Dieu  y  est  adore  purement  et  sans  superstition,  et  qu'on  y  administre  les  Sacremens,  1)  nous  concluyons  sans  difficulte,  [page  39]  que  la,  il  y  a  Eglise.  Autrement  que  seroit-ce?  Que  la  meschancete  des  hypocrites,  ou  des  contempteurs  de  Dieu,  peust  abolir  la  dignite  et  vertu  de  la  parolle  de  nostre  Seigneur  et  de  ses  Sacremens?  Or  ie  confesse  bien  que  la  discipline  est  aussi  bien  de  la  substance  de  l'Eglise,  quant  est  de  faire  qu'ello  soit  establie  en  bon  ordre:  et  quand  il  n'y  a  pas  bonne  police  en  un  lieu,  comme  si  l'excommunication  n'est  point  en  usage,  que  la  vraye  forme  de  l'Eglise  en  est  autant  defiguree:  mais  ce  n'est  pas  a  dire  qu'elle  soit  du  tout  destruicte,  et  que  l'edifice  ne  demeure,  puis  qu'elle  retient  la  doctrine  sur  laquelle  l'Eglise  doit  estre  fondee.  Ie  laisse  a  dire  qu'encore  le  cas  pose  que  nous  ne  deussions  avoir  aucune  consideration  que  des  hommes  et  de  leurs  meurs,  nous  pourrions  estre  souvent  abusez  en  reiettant  une  compagnie  et  ne  la  daignant  estimer  pour  Eglise,  a  cause  des  imperfections  qui  y  seroyent.  Car  il  se  pourroit  faire  tous  les  coupz,  que  nous  ferions  iniure  a  beaucoup  de  bons  et  sainctz  personnages,  dont  le  nombre  est  cache  entre  les  meschans,  comme  le  bon  grain  dessoubz  la  paille.  D'avantage  nous  avons  a  penser  que  d'aucuns,  qui  ont  des  vices,  ne  laissent  pas  de  se  desplaire  en  iceux,  et  avec  vraye  repentance  desirent  [page  40]  de  s'en  retirer,  pour  servir  a  Dieu  plus  entierement.  Il  y  a  aussi,  que  c'est  une  chose  trop  rigoreuse,  de  reietter  une  personne  pour  une  faute.  D'autre  coste  nostre  nature  est  encline,2)  tant  a  malignite,  pour  mal  sou&peconner,  qu'a  temerite,  d'asseoir  iugement  devant  que  la  chose  nous  soit  bien  et  droictement  congneue.  Parquoy  d'autant  devons  nous  plus  songneusement  nous  garder  de  decliner  a  ceste  part.3)  Mais,  comme  i'ay  dict,  ce  seroit  perversement  faict,  d'avoir  ici  regard  seulement  aux  hommes.  Car  la  maieste  de  la  parolle  de  Dieu  et  de  ses  Sacremens  nous  doit  estre  en  telle  reputation,  que  par  tout  ou  nous  la  voyons,  nous  soyons  certains  que  la  il  y  a  Eglise:  nonobstant  les  vices  et  macules4)  qui  pourront  estre  en  la  vie  commune  des  hommes.  Somme,  quand  il  est  question  d'estimer  que  c'est  que  d'Eglise,  le  iugement  de  Dieu  merite  bien  d'estre  prefere  au  nostre.  Or  les  Anabaptistes  ne  peuvent  acquiescer  au  iugement  de  Dieu,  comme  nous  avons  monstre.  La  seconde  question  sur  cest  article  est,  quand  l'ordre  d'excommuniment  n'est  pas  dresse  en  une  Eglise,  ou  qu'il  n'est  pas  practique  comme  il  doit:  1)  reiecta  omni  superstitione  administrari  sacramenta.  2)  naturae  nostrae  ea  est  pravitas.  3)  ne  hic  impingamus.  4)  errores.