56:68  preud'hommes,  Laissez  l'un  de  vos  freres  avec  moy,  et  prenez  du  froment  contre  la  famine  de  vos  maisons,  et  vous  en  allez.  34.  Et  amenez-moy  vostre  petit  frere.  Lors  ie  cognoistray  que  vous  n'estes  point  espieurs,  mais  feables  :  ie  vous  bailleray  vostre  frere,  et  traffiquerez  en  la  terre.  35.  Et  adveint  qu'eux  vuidans  leurs  sacs,  voici  le  paquet  de  l'argent  d'un  chacun  estoit  en  son  sac:  et  veirent  les  paquets  de  leur  argent,  eux  et  leur  pere,  et  furent  effrayez.  36.  Adonc  leur  dit  Iacob  leur  pere,  Vous  me  destituez,  Ioseph  ne  reste  plus,  Simeon  n'y  est  point,  et  vous  prenez  Ben-iamin:  toutes  ces  choses  sont  contre  moy.  37.  Et  Ruben  respondit  a  son  pere,  disant,  Fay  mourir  mes  deux  enfans,  si  ie  ne  te  le  ramene  :  baille-le  moy  en  ma  main,  et  ie  le  te  retourneray.  38.  Et  il  respondit,  Mon  fils  ne  descendra  point  avec  vous:  car  son  frere  est  mort,  et  cestuy-ci  seulement  est  reste  :  et  la  mort  luy  adviendroit  en  la  voye  par  laquelle  vous  irez,  dont  feriez  descendre  ma  vieillesse  avec  douleur  au  sepulchre.  Chapitre  XLIII.  1.  Or  la  famine  fut  grieve  en  la  terre.  2.  Et  adveint  comme  ils  eurent  acheve  de  manger  leurs  vivres,  qu'ils  avoyent  amenez  d'Egypte,  leur  pere  leur  dit,  Retournez,  et  achetez  nous  un  peu  de  victuaille.  3.  Et  Iuda  lui  respondit,  disant,  Cest  hommela  nous  a  proteste,  disant,  Vous  ne  verrez  point  ma  face,  sans  que  vostre  frere  soit  avec  vous.  4.  S'il  te  plaist  d'envoyer  nostre  frere  avec  nous,  nous  descendrons,  et  t'acheterons  des  victuaiiles:  5.  Mais  s'il  ne  te  plaist  de  l'envoyer,  nous  n'y  descendrons  point:  car  l'homme  nous  dit,  Vous  ne  verrez  point  ma  face,  sans  vostre  frere  avec  vous.  6.  Et  Israel  dit,  Pourquoy  m'avez-vous  fait  ce  desplaisir,  de  notifier  a  l'homme  que  vous  aviez  encore  un  frere?  7.  Et  ils  respondirent,  L'homme  s'est  enquis  de  nous,  et  de  nostre  parente,  disant,  Vostre  pere  vit-il  encore?  avez-vous  point  de  frere?  lors  nous  luy  racontasmes  selon  ces  propos  :  savionsnous  qu'il  diroit,  Faites  descendre  vostre  frere?  8.  Et  Iuda  dit  a  Israel  son  pere,  Envoye  l'enfant  avec  moy,  et  nous  nous  mettrons  en  chemin,  nous  en  irons,  et  vivrons:  par  ainsi  nous  ne  mourrons  point,  ne  toy  aussi  ne  nostre  mesgnie.  9.  Moymesme  ie  le  plege,  requier-le  de  ma  main:  si  ie  ne  te  le  ramene,  et  si  ie  ne  le  restitue  en  ta  presence,  ie  t'en  seray  oblige  a  la  peine  a  tousiours-mais.  10.  Que  si  nous  n'eussions  tarde,  nous  fussions  ia  de  retour  une  autre  fois.  ll.  Alors  Israel  leur  pere  leur  dit,  S'il  est  donc  ainsi,  faites-le:  prenez  des  plus  precieux  fruits  de  la  terre  en  vos  vaisseaux,  et  portez  a  l'homme  un  petit  present  de  raisine,  et  un  petit  de  miel,  odeurs,  myrrhe,  dactes,  et  amandes.  12.  Et  prenez  argent  au  double  entre  68