54:68  couverture  aux  abominations  qui  ne  sont  nullement  tolerables.  Et  puis,  il  y  en  a  d'autres  qui  sont  plus  subtils,  qu'ils  voudroyent  tousiours  contenter  le  monde.  Les  autres  sont  menez  d'ambition,  qui  pour  se  faire  valoir  chercheront  quelque  haut  style,  quelque  bravade,  et  ie  ne  scay  quoy,  tellement  que  cependant  l'Evangile  est  comme  transfigure,  qu'on  n'y  cognoist  plus  rien.  Quand  nous  voyons  telles  choses,  qu'avons-nous  a  faire?  Retenons  bien  ca  qui  est  ici  declare  par  sainct  Paul,  que  nous  soyons  comme  imbus  et  habituez  a  ce  langage  nais  de  l'Escriture  saincte,  que  nous  soyons  tout  accoustumez  au  langage  du  sainct  Esprit,  et  qu'il  y  ait  un  exercice  tel,  que  si  on  nous  met  en  avant  autre  facon  qui  ne  soit  point  convenable  a  ce  que  nous  aurons  apprins  de  l'Escriture  saincte,  nous  reiettions  cela,  scachans  que  c'est  pour  nous  faire  decliner  petit  a  petit:  encores  que  nous  ne  facions  pas  un  saut  pour  nous  rompre  le  col  du  premier  coup,  si  est-ce  que  Satan  nous  esgare  sans  que  nous  y  pensions:  prevenons  doncques  un  tel  danger.  Mais  quoy?  Il  y  en  a  bien  peu  qui  puissent  observer  ceste  doctrine:  ie  di  mesmes  de  ceux  qui  devroyent  monstrer  le  chemin  aux  autres.  Les  ministres  de  la  parole,  combien  en  verra-on  qui  ont  seulement  regarde  par  dessus,  et  qui  sont  si  peu  stylez  en  l'Escriture  saincte  que  c'est  pitie?  Tellement  qu'il  ne  faut  que  tourner  la  main,  les  voila  changez.  Et  pourquoy?  Car  iamais  n'ont  prins  un  certain  ply  pour  se  former  du  tout  au  langage  du  sainct  Esprit,  voire  comme  bons  escholiers.  Si  un  escholier  est  homme  d'esprit,  et  que  son  maistre  aussi  ait  dexterite  d'enseigner,  il  est  certain  que  non  seulement  il  retiendra  les  sciences,  mais  il  retiendra  aussi  quelque  traict  de  son  maistre,  qu'on  dira,  Celuy-la  a  este  en  telle  esohole:  qu'il  y  aura  des  marques  telles,  qu'on  pourra  iuger  mesmes  en  devinant  sans  estre  trompe.  Or  maintenant  voulonsnous  avoir  meilleur  maistre  que  le  sainct  Esprit?  Et  au  reste,  nous  voyons  comme  Dieu  a  voulu  separer  la  doctrine  de  l'Escriture  saincte  de  toutes  scienees  prophanes.  Car  un  homme  qui  aura  leu  diligemment  l'Escriture  saincte,  qu'il  soit  aveugle  puis  apres,  qu'on  luy  dise,  Voila  le  Prophete  Isaie:  et  qu'on  lise  les  plus  belles  sentences  qu'on  pourra  chercher  en  tous  les  Philosophes  du  monde,  et  puis  qu'on  ameine  quelque  sentence  de  l'Escriture  saincte,  celuy-la  scaura  bien  dire,  Voila  le  langage  du  sainct  Esprit.  Voila  doncques  ce  que  nous  aurions  a  faire.  Mais  (comme  i'ay  desia  dit)  on  en  verra,  mesmes  de  ceux  qui  sont  ministres  de  la  parole,  ausquels  il  ne  chaut  gueres  de  se  former  ainsi,  et  de  prendre  un  tel  ply.  Et  voila  pourquoy  la  doctrine  sera  du  tout  pervertie:  mais  mal-heur  sur  eux,  Cependant,  que  ceux  qui  ont  quelque  zele  a  Dieu��