49:68  quae  cessant  quidem  et  evanescunt  Christo  adveniente:  sed  eo  ipso  vere  confirmantur.  Si  enim  per  se  aestimantur,  inanes  sunt  et  umbratiles  imagines  :  tum  demum  solidi  aliquid  habere  deprehendentur,  si  in  meliorem  finem  respiciant.  In  eo  igitur  est  summa  earum  confirmatio,  quum  docetur,  veritatem  suam  in  Christo  esse  consequutae.  Sic  ergo  et  nos  meminerimus  Evangelium  dispensare,  ut  nostro  docendi  modo  lex  stabiliatur,  sed  nulla  alia  firmitate  quam  fide  Christi  suffulta.  CAPUT  IV.  1.  Quid  ergo  dicemus  invenisse  Abraham  patrem  nostrum  secundum  carnem?  2.  Si  enim  Abraham  ex  operibus  iustificatus  est,  habet  quo  glorietur,  sed  non  apud  Deum.  3.  Quid  enim  scriptura  dicit?  Credidit  Abraham  Deo:  et  imputatum  est  illi  in  iustitiam.  1.  Quid  ergo.  Confirmatio  est  ab  exemplo:  quae  satis  firma  est,  quoniam  omnia  similia  sunt  tam  in  re  quam  in  persona.  Nam  et  ille  pater  est  fidelium,  cui  nos  omnes  oportet  conformari:  et  una  est  iustitiae  obtinendae  omnibus  ratio,  non  plures1).  Multis  aliis  in  rebus  non  sufficeret  exemplum  ad  communem  regulam:  sed  quia  in  persona  Abrahae  speculum  vel  exemplar  iustitiae,  quae  ad  totam  ecclesiam  communiter  pertinet,  propositum  fuit:  merito  Paulus  quod  de  illo  uno  scriptum  est,  ad  totum  ecclesiae  corpus  accommodat,  simul  etiam  constringit  Iudaeos,  quibus  ad  gloriandum  nihil  erat  magis  plausibile  quam  se  iactare  Abrahae  filios.  Sibi  vero  plus  sanctitatis  quam  sancto  patriarchae  tribuere  nunquam  ausi  essent.  Nunc  ubi  constat  gratis  iustificatum  fuisse  illum,  posteros  eius,  qui  sibi  propriam  iustitiam  ex  lege  arrogant,  pudore  victos  obmutescere  necesse  est.  Secundum  carnem?  Quia  inter  hanc  particulam  et  nomen  patris  in  contextu  Pauli  interponitur  verbum  sOpvjxevat,  hoc  modo:  Quid  dicemus  Abraham  patrem  nostrum  invenisse  secundum  carnem?  quidam  interpretes  quaeri  putant,  quid  secundum  carnem  adeptus  sit  Abraham.  Quae  expositio  si  placeat,  tantundem  valebit  secundum  carnem  ac  naturaliter,  vel  ex  se  ipso.  Probabile  tamen  est  epitheti  loco  patri  coniungi.  Praeterquam  enim  quod  domesticis  exemplis  solemus  magis  affici:  nominatim  generis  dignitas,  qua  nimium  Iudaei  superbiebant,  iterum  notatur.  Contemptim  nonnulli  additum  hoc  putant:  quo  sensu  alibi  carnales  vocantur  filii  Abrahae,  qui  spirituales  non  sunt,  nec  prorsus  legitimi:  ego  vero  existimo,  quod  Iudaeis  peculiare  erat  fuisse  expressum:  quia  exl)  Et  addit  epitheton  patrem  esse  Iudaeorum  secundum  carnem,  quo  magis  illos  permoveat  Solemus  enim  domesticis  exemplis  supra  vulgarem  modum  affici.