45:68  rum  designat,  in  quem  solum  competat  Dei  titulus:  posterior  vero,  qui  ad  speciale  beneficium  refertur,  quod  tunc  instabat,  tempus  definit  ex  eorum  pueritia,  qui  tunc  recens  nati  vel  paulo  post  nascituri  eraut.  Hactenus  validis  rationibus,  nisi  fallor,  et  solidis  refutavi  Iudaeorum  calumnias,  quibus  Christi  gloriam  obruere  conantur,  ne  in  hoc  vaticinio  refulgeat.  Nunc  diluendum  restat  illorum  cavillum  io  voce  noby.  Proterve  exagitant  Matthaeum,  qui  Christum  ex  virgine  natum  probet,  quum  nomen  hebraicum  simpliciter  puellam  notet:  nosque  subsannant,  qui  voce  perperam  reddita  decepti  credamus,  ex  spiritu  sancto  natum  esse,  quem  propheta  tantum  dicit  fore  puellae  filium.  Atqui  primum  nimiam  rixandi  libidinem  in  eo  produnt,  dum  no*  men  de  puella  viro  cognita  intelligendum  urgent,  quod  passim  virginibus  scriptura  tribuit.  Convenit  etiam  etymologia:  nam  absconsionem  sonat,  qua  notatur  virginalis  pudor.  Locum  unum  adducunt  ex  proverbiorum  cap.  30,  19,  qui  tamen  nihil  illis  suffragatur.  Illic  de  puella,  quam  adolescens  deperit,  loquitur  Salomo:  atqui  non  protinus  sequitur,  corruptam  esse  cuius  amore  ardet  adolescens:  imo  coniectura  in  diversam  partem  magis  esset  probabilis.  Deinde  ut  de  nomine  concedam  quod  postulant,  res  tamen  evincit  ac  fateri  cogit,  de  partu  mirabili  et  insolito  loqui  prophetam.  Signum  se  a  Domino  afferre  clamat:  neque  id  vulgare,  sed  quod  praecellat  aliis  omnibus.  Si  tantum  parituram  mulierem  diceret,  quam  ridicula  fuisset  magnifica  illa  praefatio?  Videmus,  ut  sua  protervia  Iudaei  non  se  modo,  sed  veneranda  Dei  mysteria  ludibrio  exponant.  Nec  inane  argumentum  ducitur  ex  toto  contextu,  Concipiet  puella.  Cur  nulla  fit  viri  mentio?  aliquid  minime  usitatum  commendat  propheta.  Mandatum  deinde  puellae  iniungitur  de  nominando  puero:  qua  etiam  in  parte  aliquid  extraordinarium  indicat  propheta.  Nam  etsi  plerumque  refert  scriptura,  imposita  fuisse  pueris  nomina  a  matribus,  fiebat  tamen  id  ex  patrum  autoritate.  Propheta  ergo  sermonem  ad  puellam  dirigens  viris  in  hoc  puero  adimit,  quidquid  iuris  illis  defert  ordo  naturae.  Maneat  ergo  illud  fixum,  laudari  insigne  Dei  miraculum  a  propheta,  quod  attente  et  reverenter  pii  omnes  considerent:  quod  Iudaei  indigne  profanant  ad  vulgarem  conceptum  transferentes,  quod  de  arcana  spiritus  virtute  dicitur.  23.  Nomen  eius  Immanuel.  Solet  quidem  scriptura  sic  loqui,  Deum  esse  nobiscum,  ubi  auxilio  suo  et  gratia  nobis  adest,  manusque  suae  virtutem  ad  nos  tuendos  exserit.  Sed  hic  exprimitur  modus,  quo  Deus  cum  hominibus  communicat.  Nam  extra  Christum  ab  ipso  sumus  alienati:  per  Christum  vero  non  solum  recipimur  in  eius  gratiam,  sed  unum  cum  eo  efficimur.  Quod  autem  docet  Paulus  (Eph.  2,  17;  Deut.  6,  12.15),  Iudaeos  fuisse  pro-