44:68  lingua  dolosa.  Non  sufficeret  hoc  quidem  ad  pietatis  cultum  vel  integritatem  vitae,  linguam  servare  puram  a  fraudibus  et  mendaciis:  sed  quoniam  fieri  non  potest  ut  quis  abstineat  ab  omni  fraude  et  mendacio,  quin  pure  et  ex  animo  Deum  timeat,  per  synecdochen  propheta  sub  lingua  veraci  complectitur  perfectam  vitae  sanctitatem.  Iam  quaeritur  an  hoc  unquam  impletum  fuerit.  Certum  enim  est,  quamvis  pauci  reversi  sint  in  patriam,  tamen  fuisse  in  exiguo  illo  numero  multos  hypocritas.  Nam  simul  ac  terram  attigit  populus,  videmus  ut  quisque  addictus  fuerit  propriis  suis  commodis,  ut  se  polluerint  coniugiis  profanis,  ut  contempserint  templi  aedificium,  fraudaverat  etiam  sacerdotes  decimis,  ut  frigidi  fuerint  in  colendo  Deo.  Haec  omnia  illis  exprobrat  Haggaeus  et  Zacharias  et  Malachias.  Quum  haec  ita  sint,  quid  sibi  vult  haec  promissio,  nullam  fore  iniquitatem,  ubi  Deus  ecclesiam  purgaverit?  Comparative  loquitur  propheta:  quod  scilicet  Dominus  sic  absterget  maculas  a  populo  suo,  ut  .purior  illic  deinde  appareat  sanctitas.  Quamvis  ergo  adbuc  permixti  fuerint  multi  hypocritae  probis  et  genuinis  Dei  filiis:  verum  tamen  hoc  fuit,  non  ita  grassatam  fuisse  iniquitatem,  non  ita  regnasse  fraudes  et  mendacia  in  populo,  sicuti  prius.  Et  postea  adiungit,  Quoniam  ipsi  pascentur  et  accubabunt,  et  nemo  erit  qui  exterreat  Adiungit  aliud  Dei  beneficium,  quod  scilicet  proteget  populum  illum  ab  omnibus  iniuriis:  nempe  ubi  ita  resipuerit.  Tenendum  semper  est  quod  dixi,  prophetam  hic  velle  mederi  tristitiae  piorum,  quae  alioqui  poterat  prorsus  deiicere  ipsorum  animos.  Ergo  ut  levaret  aliqua  parte  molestiae  filios  Dei,  proposuit  haec  in  medium,  Etiamsi  pauci  estis  superstites,  bene  tamen  est  quod  Dominus  purgabit  sordes  sanctae  urbis,  ita  ut  vere  censeri  debeat  domicilium  Dei,  ubi  antehac  fuerat  latronum  caverna.  Deinde  vobis  hoc  damnosum  non  est,  paucos  habitare  in  sancta  terra,  quia  Deus  fidus  est  custos  salutis  vestrae.  Quorsum  multitudine  opus  est,  nisi  ut  sitis  tuti  contra  hostes?  contra  feras  bestias?  Quid  si  Deus  hac  lege  vos  recepit  in  suam  tutelam,  ut  securi  degatis,  etiamsi  non  sitis  pares  ad  resistendum  hostibus?  Etiamsi  alter  alterum  defendere  nequeat,  modo  tamen  Deus  sit  protector  vester,  et  possitis  tranquille  agere  sub  hac  custodia  quam  vobis  promittit,  non  est  quod  dicatis  vos  fecisse  magnam  iacturam,  ubi  ^ablata  est  maior  turba.  Sufficiat  igitur  vobis  agere  sub  tutela  Dei,  qua  etiamsi  totus  mundus  contra  vos  conspiret,  in  vobis  autem  nihil  sit  virium  aut  praesidii,  tamen  Dominus  vos  servabit:  nemo  erit  qui  exterreat.  Sumptum  autem  hoc  est  ex  lege,  quia  inter  alias  benedictiones  haec  ponitur,  quod  Deus  securam  vitam  praestabit  populo:  quod  est  bonum  inaestimabile,  et  sine  quo  scimus  miseram  esse  hominum  vitam,  quia  nihil  miserius  est  quam  assidue  trepidare:  nihil  autem