42:68  de  nos  ennemis,  il  nous  donnera  quelques  tresves,  et  quelques  relasches,  que  nos  adversaires  ne  nous  tourmenteront  pas  tousiours,  mais  que  nous  aurons  quelque  loisir  de  prendre  nostre  alleine,  (comme  on  dit),  voila  donc  ce  qui  nous  est  signifie  par  ce  passage,  et  ainsi  quand  nous  verrons  les  persecutions,  sachons  qu'elles  pourront  durer  long  temps,  mais  puis  apres  confions-nous  que  ce  temps-Ia  prendra  fin,  et  quelle?  O  il  nous  faut  remettre  cela  a  la  providence  de  Dieu,  et  nous  contenter  de  scavoir  que  combien  que  nous  soions  griefvement  affliges,  qu'il  ne  permettra  point  neantmoins  que  nous  soions  presses  iusques  a  l'extremite,  qu'il  n'y  mette  bon  ordre.  Il  s'ensuit  puis  apres,  que  quand  ils  seront  trebusches,  ils  seront  secourus  par  petite  aide,  et  plusieurs  se  ioindront  a  eux  par  flatterie,  ou  par  fallace.  Ici  l'ange  predit  ce  qu'advint  lors  que  Mathatias  se  leva  avec  ses  enfans,  qui  estoient  les  Machabees,  eeux-la  donc  prindrent  courage,  pour  secourir  le  peuple  de  Dieu,  et  n'y  ha  nulle  doute  que  Dieu  ne  suscitast  Mathatias  a  cela,  d'une  facon  extraordinaire:  il  est  vray  qu'il  estoit  seulement  de  la  lignee  des  sacrificateurs,  il  n'avoit  point  l'ordre  de  iudicature,  il  n'avoit  point  cette  principaute,  car  elle  devoit  estre  en  la  maison  de  David,  mais  le  dernier  prince  de  la  maison  de  David  qui  se  nommoit  Zedechias  avoit  este  tue  par  ce  tirant  ici,  il  fut  assiege  en  la  ville  de  Ierico,  et  fut  la��  mis  a.  mort,  voila  donc  la  principaute  de  David  qui  defaut,  pource  que  la  venue  de  nostre  Seigneur  Iesus  Christ  estoit  la  prochaine.  Or  tant  y  ha  qu'il  n'appartenoit  pas  a  Mathatias  de  s'eslever,  d'amasser  gens,  et  resister  par  force,  et  violence  a  ce  tirant  Antiochus,  mais  quand  nous  oions  en  ce  passage,  qu'il  y  ha  eu  une  petite  aide  pour  les  enfans  de  Dieu,  connoissons  que  Dieu  avoit  ordonne  Mathatias  a  cela,  car  comme  Dieu  ha  institue  l'ordre  de  iustice  en  ce  monde,  aussi  il  s'est  reserve  ce  droit,  et  cette  autorite  la,  de  donner  le  glaive  a  qui  il  voudra,  comme  nous  voions  qu'extraordinairement  il  ha  constitue  Moyse  et  Abraham  en  cet  estat  la,  a  scavoir,  quand  Abraham  feist  cette  desconfiture,  pour  recouvrer  Loth  son  neveu,  et  quand  Moyse  tua  l'Egyptien,  il  estoit  appele  de  Dieu  a  cela,  et  a  un  tesmoignage  bon  de  sa  vocation,  comme  sainct  Estienne  le  monstre,  qu'il  pensoit  par  cela,  que  ses  freres  deussent  connoistre  qu'il  les  devoit  delivrer:  ainsi  en  est-il  de  Mathatias,  quand  Dieu  l'ha  ordonne,  c'estoit  d'un  privilege  special,  a  fin  qu'il  secourust  a  son  peuple.  Comment  donc  l'accuserons-  nous?  car  voici  l'arrest  qui  en  est  prononce  devant  que  la  chose  advinst,  et  Mathatias  n'estoit  pas  si  rude  qu'il  ne  fust  exerce  en  ces  propheties  ici,  car  c'estoit  un  sainct  personnage,  et  mesmes  son  office  estoit  d'enseigner,  et  estoit  de  ceux  qui  avoient  soustenu  les  heurts,  et  les  coups  qui  avoient