33:68  estre  comme  un  mauvais  air,  il  faut  fuir  cela.  Si  on  me  dit  qu'une  viande  est  empoisonnee,  ie  n'aurai  garde  d'y  toucher:  si  on  me  dit,  qu'il  y  a  danger  en  un  lieu  ie  n'iray  pas.  Et  pourquoy  donc  ne  sommes-nous  soigneux  quand  Dieu  nous  declare,  que  tous  les  vices  qui  regnent  au  monde,  sont  autant  de  pestes  mortelles?  Et  puis  que  Dieu  a  fait  ceste  grace  a  Iob  de  se  retirer  ainsi  du  mal,  ne  doutons  point  qu'auiourd'hui  il  ne  nous  assiste  en  pareille  vertu.  Or  finalement,  et  pour  conclusion  il  est  dit,  Que  Satan  a  voulu  despiter  Dieu,  disant,  Que  Iob  ne  le  servoit  point  pour  neant,  pource  qu'il  l'avoit  tellement  benit  iusques  a  ce  iour-la:  qu'il  prosperoit  en  toutes  ses  affaires.  Ainsi  donc  (dit-il)  si  Iob  est  hypocrite,  on  ne  sait:  mais  si  tu  le  touches  de  ta  main,  tu  verras  alors.  Or  nous  voyons  ici  comme  le  diable  tasche  de  tous  costez  a  nous  abysmer,  et  quand  il  voit  qu'il  n'a  rien  gaigne  par  un  point,  il  invente  et  machine  une  autre  ruse  nouvelle.  Car  il  a  des  cautelles  infinies,  qui  se  forgent  en  sa  boutique:  et  d'autant  plus  nous  faut-il  estre  sur  nos  gardes.  Il  est  certain  (comme  nous  avons  dit)  que  la  prosperite  corrompt  plus  les  hommes,  que  ne  font  pas  toutes  les  afflictions  du  monde.  Car  les  richesses  sont  volontiers  accompagnees  d'orgueil,  de  pompes,  de  mespris  de  Dieu,  de  cruaute,  de  fraudes,  et  toutes  choses  semblables:  et  puis  elles  apportent  les  delices,  les  voluptez,  tellement  que  l'homme  s'abbrutit  du  tout.  Tant  y  a  que  Satan  n'ayant  peu  rien  gaigner  sur  Iob  par  ce  moyen-la,  se  destourne  a  un  autre  coste,  et  demande  qu'il  soit  tente  par  afflictions.  Or  cependant  cognoissons  que  si  est-ce  que  Dieu  sait  bien  ce  qui  est  propre  pour  esprouver  et  nostre  foy,  et  nostre  obeissance,  et  ne  faut  point  que  le  diable  l'advise.  Mais  ceci  nous  est  dit  notamment,  afin  que  nous  sachions  d'un  coste,  que  si  Dieu  nous  envoye  povrete,  qu'il  nous  afflige,  c'est  afin  que  nous  pensions  a  nous,  et  que  nous  ne  soyons  point  eslevez  non  plus  en  prosperite  qu'en  adversite,  et  puis  que  nous  soyons  instruits  a  le  prier  selon  les  necessitez  qui  nous  pressent.  Cependant  notons  aussi  que  le  diable  est  tousiours  apres  nous  pour  nous  ruiner,  s'il  peut:  que  quand  nous  luy  serons  eschappez  d'un  coste,  il  suscitera  incontinent  une  autre  tentation  nouvelle.  Brief  ce  qui  est  dit  en  un  mot  en  Zacharie,  nous  est  ici  declare  plus  au  long,  c'est  assavoir  que  Satan  est  l'accusateur.  et  le  contraire  de  tous  enfans  de  Dieu,  comme  aussi  il  en  est  parle  en  l'Apocalypse,  qu'il  est  ^accusateur  de  nos  freres.  Et  notamment  ceste  vision  est  donnee  a  Zacharie,  que  Satan  estoit  pour  accuser  Iosua  le  grand  Sacrificateur,  comme  chef  de  l'Eglise,  comme  figure  de  nostre  Seigneur  Iesus  Christ,  qu'il  estoit  la  pour  le  calomnier  devant  Dieu.  Et  ainsi  voyans  que  nous