28:68  adherions  d'une  foy  constante  a  Abraham  nostre  pere  :  et  toutes  fois  et  quantes  que  nous  venons  au  temple,  que  nous  advisions  a  nous,  qu'un  chacun  s'examine:  Voici  Dieu  qui  a  establi  un  ordre,  c'est  que  nous  venions  ensemble,  afin  qu'il  preside  au  milieu  de  nous,  et  que  nous  ayons  accez  prive  a  luy:  car  c'est  a  telle  condition  que  nous  soyons  enfans  legitimes  d'Abraham.  En  quelle  sorte?  Regardons  ce  qui  est  dit  au  premier  chap.  de  S.  Iehan  :  car  ce  parentage  nous  est  la  expose  tel  qu'auiourd'hui  Dieu  le  demande  et  approuve:  ce  n'est  point  (ditil)  ni  de  volonte  d'homme,  ni  de  volonte  de  chair,  ni  de  sang:  mais  c'est  pource  que  nous  avons  creu  au  Fils  unique  de  Dieu.  Puis  qu'ainsi  est  donc,  quand  nous  croyons  a  nostre  Seigneur  Iesus  Christ,  estans  entez  en  son  corps,  nous  sommes  advouez  pour  enfans  de  Dieu,  combien  que  de  nostre  part  nous  n'en  soyons  pas  dignes.  Advisons  de  nous  tenir  la,  et  de  ne  point  nous  abastardir  par  ingratitude,  en  nous  retranchant  du  corps  auquel  nous  avons  este  conioints  par  la  grace  de  Dieu,  et  par  sa  misericorde  infinie  :  voire  par  le  moyen  de  la  foy.  Voila  donc  ce  que  nous  avons  a  retenir  en  ce  passage,  quand  ii  est  notamment  parle  que  les  bastards  n'entreront  point  en  l'Eglise  de  Dieu,  iusques  en  la  dixiesme  generation.  Or  venons  maintenant  a.  ce  qui  est  dit  des  Moabites  et  des  Ammonites.  Ces  peuples-ci  estoyent  descendus  de  Lot  :  et  ainsi  devoyent  estre  parens  des  Iuifs.  Mais  tant  y  a  que  Dieu  les  bannit  de  son  Eglise,  et  ne  veut  point  qu'ils  y  ayent  entree  de  dix  generations,  encores  qu'ils  se  soyent  rendus  en  l'obeissance  de  la  Loy.  Il  adiouste:  Ils  ne  sont  point  venus  au  devant  de  vous,  quand  vous  estes  sortis  d'Egypte  avec  pain  et  eau:  c'est  a  dire,  ils  ne  vous  ont  point  fait  recueil  de  parens  ni  d'amis.  Or  combien  que  les  Ammonites  et  Moabites  fussent  separez  de  ce  lignage  d'Abraham,  comme  desia  Lot  s'estoit  retire  en  Sodome,  et  ainsi  qu'il  n'eust  point  la  promesse:  tant  y  a  qu'ils  devoyent  se  souvenir  du  parentage,  et  qu'Abraham  avoit  amene  Lot  en  la  terre  promise,  et  qu'il  l'avoit  tenu  pour  son  fils:  la  memoire  de  cela  devoit  durer  tellement,  que  s'il  y  eust  eu  quelque  regard  naturel,  les  Ammonites  et  Moabites  devoyent  bien  donner  passage  a  ceux  qui  estoyent  de  leur  sang.  Et  aussi  nous  voyons  que  Dieu  les  avoit  espargnez.  Car  nous  avons  veu  par  ci  devant  que  notamment  il  fut  commande  au  peuple  de  s'abstenir  de  toute  iniure  et  violence  quand  ils  passeroyent  par  la.  Advisez  de  n'user  point  de  faict  d'armes:  que  vous  ne  preniez  rien  sans  payer:  passez  par  la  voye  commune,  et  que  vous  achetiez  l'eau  que  vous  beurez:  que  vous  ne  faciez  la  nulle  extorsion.  Pourquoy?  Car  ils  sont  vos  freres.  De  faict,  combien  que  Dieu  n'eust  point  choisi  Lot  comme  Abraham,  si  ne  laissoit-il  point  d'avoir  pitie  de  luy,  et  d'avoir  encores  quelque  re-