27:68  Il  est  vray  qu'il  faut  qu'ils  soyent  exercez  en  patience  tant  qu'il  plaira  a  Dieu:  mais  si  ont-iis  bien  pour  se  contenter  (s'ils  ne  sont  par  trop  ingrats)  cognoissans  que  Dieu  ne  les  met  iamais  en  oubli:  mais  qu'il  les  secoure,  et  que  toutes  les  iniures  qu'on  leur  fait  sont  en  son  registre,  pour  en  faire  rendre  conte  en  temps  oportun.  Mais  pour  iouir  d'une  telle  consolation,  notons  aussi  que  ce  n'est  point  assez  que  les  uns  soyent  estrangers,  les  autres  orphelins,  et  que  les  femmes  soyent  vefves:  mais  il  faut  que  nous  soyons  vrayement  destituez  devant  Dieu,  nous  humilians  quand  on  nous  afflige  iniquement,  et  recourans  tousiours  a  luy.  Oar  si  un  estranger  est  plus  orgueilleux  que  celuy  qui  est  apparente,  c'est  en  vain  qu'il  se  confie  d'avoir  Dieu  pour  gardien  de  son  salut.  Quand  il  y  aura  une  telle  fierte,  qu'un  estranger  presumera  plus  de  soy,  que  celuy  qui  a  les  moyens  d'estre  secouru,  qu'il  aille  cercher  son  support  ailleurs  qu'en  Dieu:  car  il  ne  l'y  trouvera  point.  Mais  si  un  estranger  voit,  qu'estant  destitue  de  tous  aides  du  monde,  il  a  Dieu  de  son  coste,  qu'il  l'invoque,  qu'il  se  remette  du  tout  a  luy:  il  est  certain  qu'en  la  fin  il  sentira  que  ce  n'est  point  en  vain  que  Dieu  a  promis  de  faire  droict  a  l'estranger.  Si  une  vefve  est  une  diablesse,  et  qu'elle  tempeste  et  tourmente  les  autres,  et  qu'il  y  ait  plus  a  faire  a  elle  qu'a  une  douzaine  d'hommes:  o  qu'elle  ne  pense  point  que  Dieu  se  doyve  empescher  pour  elle.  Mais  une  vefve  qui  sera  destituee,  et  qui  cheminera  en  humilite,  et  qui  ne  demandera  sinon  de  vivre  paisiblement  avec  tous  :  celle-la  sera  receue  sous  la  protection  du  Iuge  celeste.  Autant  en  est-il  des  orphelins.  Que  si  les  orphelins  s'adonnent  a  mal  faire,  qu'ils  repoussent  tout  ioug,  et  que  ce  soyent  gens  dissolus,  et  qu'ils  despittent  Dieu,  et  le  monde:  s'ils  pensent  sous  ombre  de  ceste  doctrine  que  Dieu  leur  favorise,  ils  s'abusent.  Et  ainsi  notons  bien  que  ceci  est  expressement  declairo  pour  ceux  qui  souffrent  patiemment  les  afflictions,  et  qui  ne  se  revengent  pas:  mais  remettent  leur  cause  entre  les  maius  de  Dieu.  Combien  donc  que  ceux-la  soyent  mocquez  du  monde,  et  qu'on  les  monstre  au  doigt,  et  que  ceux  qui  les  ont  foullez  en  facent  leurs  triomphes:  si  est-ce  que  Dieu  prend  leur  cause,  et  le  monstrera  quoy  qu'il  tarde.  La  dessus  donc  apprenons  de  nous  consoler  en  nos  afflictions,  c'est  que  nous  soyons  mattez,  et  ployables,  pour  demander  a,  Dieu  qu'il  ait  pitie  de  nous,  et  pour  luy  remettre  nostre  cause  entre  ses  mains,  reietter  toutes  nos  solicitudes  et  tristesses  en  son  giron:  et  puis  advisons  bien  que  s'il  nous  est  permis  selon  les  hommes  de  mal  faire,  de  travailler  l'un,  de  tourmenter  l'autre  :  nous  n'eschapperons  point  l'ire  de  Dieu,  nous  aurons  beau  tergiverser,  nous  n'y  pourrons  rien  gagner.  Voila  donc  ce  que  nous