11:68  oblectatum  fuisse  intelligo.  Has  literas  oro  te  ut  Bedroto  des  illico,  si  quo  modo  potest,  Augustam  mittendas.  Vale.  Pridie  Augusti  M.  D.  XL.  Simon  Grynaeus  tuus.  Saluta  omnes  amicos.  Subito  scripsi  haec.  230.  OPORINUS  VADIANO.  Narrat  quae  ipse  nuper  Hagenoae  vidit,  quaeque  recentius  a  Bedroto  acceperat.  (Ex  autographo  Bibi.  civic.  Sangallensis  MSS.  T.  33  (al.  IV.),  fol.  361.  Initium  ut  a  nostris  rebus  alienum  praeterimus.)  Hortatus  sum  Myconium,  Grynaeum,  Porstium,  ut  si  quid  haberent  rerum  novarum  ad  te  per  eundem  tabellarium  scriberent,  neque  dubito  facturos  esse.  Interim  ego,  quae  partim  ipse  praesens  vidi,  partim  ex  amicorum  literis  accepi  non  gravabor  subiicere.  Fui  ante  mensem  Hagenoae,  ut  quid  illic  gereretur  viderem.  Vidi  igitur  Regem  post  missam  admodum  devote  procumbentem  et  orantem  solum.  Interim  vero  episcopos  aliquot,  et  inter  eos  potissimum  Spirensem  et  Tridentinum  una  cum  legatis  Pontificis  et  Venetorum,  item  legato  Galli  Lazaro  Bayfio  garrientes,  neque  quod  a  sacrifico  ageretur  magnopere  curantes.  Atque  eodem  momento,  dum  ille  missaret,  reliquos  proceres,  barones,  comites,  et  id  genus  terrae  onera,  in  templo  ultro  citroque  discursantes  ac  de  nugis  nescio  quibus  confabulantes  affatim  que  ridentes,  iactatis  subinde  manibus,  ut  scilicet  aliqua  re  a  vulgo  differrent,  qui  Regem  tanquam  monstrum  aliquod  aut  numen  potius  coelitus  demissum  spectabat.  Summa,  visa  sunt  mihi  omnia  instar  comoediae,  quae  diversos  histriones  in  theatro  producere  solet.  Neque  enim  quidquam  serii  vidi,  nisi  nostros  homines,  qui  serio  etiam  deplorabant  se  ita  frustra  ludificari,  quum  paulo  antea,  nempe  intra  biduum,  eis  interdictum  esset  1)  ne  domi  suae  legati  concionatores  suos  concionari  sinerent  :  neque  enim  id  passurum  Regem  ete.  Interea  dum  discessi,  ad  me  scripsit  Eedrotus  in  haec  verba:  ,,Philippus  Hagenoam  non  veniet;  in  itinere  coepit  laborare  graviter,  ut  nosti,  verum  convalescere  dicitur.  Noviomagus2)  heri  una  cum  230.  1)  JSleidan.  p.  190.  2)  Gerhardus  a  Niemegen  autor  historiae  Batavicae  Bas.  1541  editae.  .  Chr.  Pistorius,  prof.  Lipsiensis.  .  Erh.  Schnepf,  olim  reformator  eccl.  Nassoviensis,  postea  prof.  Marburgensis,  inde  ab  a.  1534  Superintendens  Stuttgardiae.  (Iul.  Hartmann,  Schnepf.  1870.;