10.1:68  non  satis  sapienter  hoc  factum  esse  existiment,  quicunque  tamen  in  considerandis  Dei  factis  neque  ex  humana  prudentia  sed  ex  infinita  eius  potestate  metiendis  sunt  versati,  non  modo  ista,  ut  arbitror,  non  reprehendent,  sed  etiam  rei  novitate  ac  magnitudine  perculsi,  nihil  mediocre  ex  istis  initiis  sperabunt.  Itaque,  ut  ad  rem  ipsam  veniam,  quum  eo  quam  dixi  multitudo  convenisset,  D.  Iohannes  Calvinus,  tum  paene  primum  post  octo  menses  molestissimo  quartanae  morbo  felicibus  auspiciis  liberatus  et  gallica  oratione,  ut  ab  omnibus  intelligi  posset,  praefatus,  indictum  fuisse  hunc  diem  ex  amplissimi  Senatus  mandato  solenni  scholasticarum  legum  promulgationi,  omnes  ad  preces  fundendas  est  cohortatus.  Deinde  Michael  Bosetus  archigrammateus  Syndicorum  iussu  Academiae  leges  clara  voce  et  gallico  sermone  summa  cum  omnium  attentione  recitavit.  Postea  confessionis  formulam,  in  [pag.  3]  quam  publici  omnes  auditores  iurarent  et  iusiurandum  solenne  quod  concipere  Bectorem  et  omnes  utriusque  scholae,  privatae  videlicet  ac  publicae,  doctores  oporteret,  recensuit.  Denique  a  ministrorum  collegio  electum,  ab  amplissimo  vero  Senatu  designatum  pronunciavit  Theodorum  Bezam,  unum  ex  verbi  ministris,  scholae  rectorem.  Antea  vero  designarant  iidem  Antonium  Cevallerium  hebraeae  linguae,  Franciscum  Beraldum  graecae,  Iohannem  Tagautium  philosophiae  professores  :  Iohannem  Bendonium  supremae  classis  in  privata  schola  doctorem  :  Carolum  Malbueum  secundae,  Iohannem  Barbirium  tertiae  eundemque  Gymnasiarcham,  Gervasium  Enaltum  quartae,  Petrum  Ducem  quintae,  Iohannem  Perrilium  sextae,  Iohannem  Laureatum  denique  septimae  ac  postremae*  Ad  quos  Petrus  Daqueus  cantor  accessit.  Theologiam  enim  D.  Iohannes  Calvinus  multis  iam  ante  annis  profitebatur,  cui  nunc  D.  Theodorus  Beza,  qui  alternis  hebdomadibus  idem  munus  obeat,  collega  adiunctus  est  His  vero  peractis,  quum  primarius  Syndicus  Bectori  fecisset  dicendi  potestatem,  tum  ille  1)  .  .  .  .  [pag.  9]  Hanc  vero  Bectoris  orationem  D.  Iohannes  Calvinus  postremo  excipiens,  brevi  quidem,  ut  solet,  sed  diligenti  et  accurata  oratione,  primum  omnium  docuit  hoc  consilium  a  Deo  O.  M.  profectum.  Deinde  studiosos  omnes  ad  tantum  agnoscendum  beneficium  est  cohortatus.  Postea  amplissimi  Senatus  voluntate,  prout  res  ferebat,  commendata,  ad  ipsos  Syndicos  et  circumstantes  senatores  se  convertens,  gratias  illis  egit  totius  academiae  nomine,  quod  sua  etiam  praesentia  sustinuissent  totum  illum  coetum  honestare,  et  legum  promulgationem  exornare,  rogavitque  vehementer  ut  in  tam  sancto  consilio  tamque  honesto  conatu  pergerent,  et  omnia  sibi  de  bonitate  Dei  O.  M.  promitterent  Postremo  vero  caeteris  quoque  honestissimis  1)  Sequitur  hic  Bezae  oratio  inauguralis,  quam  pro  tempore  omittimus  alio  loco  commodiore  inserendam.