23:679  679  SERMONS.  680  prens.  Et  qu'est-ce  eela?  Il  nous  faut  entendre,  que  Dieu  soit  iuge  et  qu'il  me  punisse  si  ie  mens,  et  si  ie  suis  variable  en  mon  propos,  ceste  facon  de  parler  ainsi  coupee  et  rompue,  monstre  que  quand  nous  iurerons,  il  nous  faut  estre  comme  retenuz  en  bride:  afin  de  ne  provoquer  point  par  legerete  [pag.  91]  et  inconsideration  l'ire  de  Dieu��  Car  il  est  certain  que  ceux  qui  iurent  tant  souvent  et  a  la  volee,  sont  aussi  periures  tous  les  coups.  Ce  sont  choses  inseparables  :  tellement  que  quand  on  verra  un  homme  qui  iure  en  table  et  en  rue,  on  luy  pourra  dire  hardement:  Mon  amy,  non  seulement  tu  abuses  du  nom  de  Dieu,  mais  tu  es  pariure  quand  le  nom  de  Dieu  est  ainsi  profane  en  ta  bouche.  Il  faut  donc  que  nous  regardions  bien  de  nous  tenir  en  sobriete,  quand  il  est  question  de  prendre  ainsi  le  nom  de  Dieu.  Mais  ici  on  pourroit  demander  s'il  a  este  licite  a  Abram  de  iurer  pour  une  chose  si  petite:  car  il  est  dit:  Tu  ne  prendras  point  le  nom  du  Seigneur  ton  Dieu  en  vain.  Et  Abram  ne  se  povoit-il  contenter  de  ceste  simplicite  de  dire:  Non,  ie  n'en  feray  rien?  que  ce  qui  t'avoit  este  ravi,  tu  le  recoives  de  ma  main:  car  ie  ne  me  veux  point  enrichir  de  ton  bien?  C'estoit  assez  ce  semble:  mais  nous  savons  la  feintise  des  hommes:  car  par  honestete  on  offrira  merveilles,  et  cependant  ceux  qui  parleront  ainsi,  retiendront  en  leur  coeur  tout  l'opposite.  Et  voila  pourquoy  on  ne  s'estime  point  estre  oblige  quand  on  offrira  quelque  chose:  ce  sont  propos  de  superabondant  et  superfluz  (comme  on  dit)  car  quand  il  y  aura  ainsi  quelque  civilite,  il  ne  semble  point  qu'il  y  doive  avoir  foy  et  rondeur,  d'autant  que  les  hommes  sont  suietz  a  cela:  il  falloit  pour  cela  qu'Abram  [pag.  92]  iurast.  Et  puis  davantage,  il  avoit  besoin  aussi  qu'il  se  delivrast  de  toute  tentation,  et  qu'il  se  tint  tellement  en  son  devoir,  qu'encores  qu'il  luy  fust  licite  de  s'enrichir  du  bien  d'autruy,  toutesfois  qu'il  s'abstint  d'une  telle  liberte,  et  qu'il  se  retirast  par  le  serment  qu'il  avoit  interpose.  Nous  voyons  donc  que  non  sans  cause  Abram  dit  qu'il  avoit  iure,  afin  qu'il  n'y  ait  plus  de  replique  du  coste  du  Roy  de  Sodome,  et  aussi  qu'il  ait  une  loy  qui  le  contraigne  de  s'abstenir  de  ce  qu'on  povoit  tirer  en  scandale,  et  dont  Dieu  aussi  povoit  estre  vilipende  entre  les  incredules.  Au  reste,  nous  avons  encores  a  noter  ce  qu'il  dit  (Qu'il  a  leve  la  main  au  Dieu  Souverain,  possesseur  du  ciel  et  de  la  terre):  Comme  aussi  Melchisedec  en  la  benediction  avoit  use  de  semblable  forme.  Car  Abram  ne  s'est  point  contente  de  mettre  en  avant  le  nom  de  Dieu,  mais  il  a  voulu  exprimer  quel  Dieu  il  adoroit.  Nous  savons  que  desia  le  monde  estoit  rempli  d'idolatries  et  de  superstitions:  chacun  avoit  bien  le  nom  de  Dieu  en  la  bouche,  comme  encores  auiourd'huy  les  infideles  se  vanteront  assez  d'adorer