35:678  en  estions  comme  privez,  et  le  diable  empeschoit  que  la  vertu  du  sainct  Esprit  n'eust  son  cours  entre  les  hommes:  maintenant  nous  en  sommes  enrichis,  d'autant  que  tous  empeschemens  sont  ostez:  et  mesmes  (comme  i'ay  desia  dit)  ce  qui  est  contraire  en  ce  monde,  nous  est  converti  a  profit  et  a  salut,  d'autant  que  nostre  Seigneur  Iesus  a  despouille  tous  nos  ennemis.  Or  il  est  dit  notamment  pour  ce  qu'il  a  este  repute  entre  les  pecheurs,  et  qu'il  a  porte  l'iniquite  de  plusieurs,  et  a  prie  pour  les  iniques.  Nous  avons  desia  veu  comme  nostre  Seigneur  Iesus  a  porte  les  transgressions  de  plusieurs:  c'est  d'autant  qu'il  a  soustenu  la  peine  qui  nous  estoit  du  tout  insupportable.  Et  aussi  nous  estions  par  trop  fragiles  pour  subsister  devant  Dieu,  si  nous  eussions  este  chargez  de  nos  pechez  :  car  le  moyen  de  nous  en  acquitter  ne  se  pouvoit  trouver  en  tout  le  monde.  Il  a  donc  falu  que  nostre  Seigneur  Iesus  pour  nous  donner  allegement  se  presentast  en  nostre  lieu,  et  qu'il  fust  charge  de  toutes  nos  offenses,  voire  a  ce  qu'elles  luy  fussent  imputees  devant  Dieu  son  Pere,  et  qu'il  fust  tenu  et  oblige  d'en  faire  le  payement.  Quand  un  homme  seulement  devera  ce  qu'il  ne  peut  payer,  il  est  comme  courbe,  il  ne  scait  que  faire,  il  ha  comme  un  fardeau  qu'il  rompt  et  le  casse,  et  lui  fait  plier  les  espaules:  et  que  sera-ce  quand  nous  serons  detteurs,  non  point  a  une  creature  mortelle,  mais  au  Dieu  vivant?  et  que  ce  ne  sera  pas  ne  d'or,  ne  d'argent,  mais  de  nos  offenses  qui  meritent  son  ire  espouvantable,  comme  l'Escriture  le  monstre.  Voyla  donc  le  iugement  de  mort  eternelle,  qui  nous  est  appreste  a  tous,  iusques  a  ce  que  nostre  Seigneur  Iesus  nous  en  ait  deschargez.  Et  de  faict,  comment  suffironsnous  a  cela,  sinon  que  celuy  qui  ha  une  puissance  victorieuse  par  dessus  toutes  choses,  se  viene  mettre  en  nostre  lieu  et  supplee  a  nos  defauts?  Voyla  donc  comme  nostre  Seigneur  Iesus  a  porte  les  pechez  et  iniquitez  de  plusieurs.  Il  est  vray  que  ce  mot  de  Plusieurs  vaut  souvent  autant  que  Tous.  Et  de  faict,  nostre  Seigneur  Iesus  a  este  presente  a  tout  le  monde:  car  il  n'est  point  parle  de  trois  ou  quatre,  quand  il  est  dit,  Dieu  a  tant  aime  le  monde,  qu'il  n'a  point  espargne  son  Fils  unique.  Mais  cependant  il  nous  faut  noter  ce  que  l'Evangile  adiouste  en  ce  passage-la,  Afin  que  quiconques  croira  en  luy,  ne  perisse  point,  mais  obtiene  la  vie  eternelle.  Voyla  donc  comme  nostre  Seigneur  Iesus  a  souffert  pour  nous  tous,  et  qu'il  n'y  a  ne  grand  ne  petit  qui  ne  soit  auiourd'huy  inexcusable,  puis  que  nous  pouvons  obtenir  salut  en  luy.  Les  incredules  qui  s'en  destournent  et  qui  s'en  privent  par  leur  malice,  sont  coulpables  auiourd'huy  au  double.  Car  quelle  couleur  pretendront-  ils  pour  excuser  leur  ingratitude  de  ce  qu'ils  43*