23:678  pour  se  monstrer  prochain.  Autant  en  est-il  dit  du  serment  quand  nous  levons  la  main  :  c'est  comme  si  nous  disions:  I'appelle  Dieu  en  tesmoin,  et  que  ie  sois  ici  devant  luy  quand  ie  parle  :  si  ie  trompe,  c'est  autant  comme  si  savois  efface  et  viole  sa  maieste.  Ainsi  nous  entendons  que  veut  dire  ceste  facon  de  parler  [pag.  89].  Et  notons  bien  que  le  serment  des  fideles  doit  bien  estre  poise  deux  ou  trois  fois:  car  ceux  qui  en  usent  prenant  aussi  le  nom  de  Dieu  a  tout  propos,  monstrent  qu'ils  en  sont  contempteurs.  Que  si  nous  portons  reverence  au  nom  de  Dieu  telle  qu'il  merite,  il  est  certain  que  nous  ne  le  prendrons  pas  ainsi  a  la  volee  pour  nous  en  iouer  comme  d'une  pelotte:  ainsi  quand  les  sermens  trottent  en  la  bouche  de  beaucoup  de  gens,  de  la  on  appercoit  leur  impiete,  et  qu'ils  sont  gens  profanes,  et  qu'ils  ne  cognoissent  point  Dieu.  Or  il  est  vray  qu'on  n'aura  garde  de  le  confesser  :  car  quand  on  orra  par  les  marchez  et  par  les  rues  qu'on  iure  sans  fin  et  sans  cesse:  si  on  reprend  cela,  la  response  sera:  O,  de  moy,  ie  ne  laisse  pas  de  craindre  Dieu.  Voire,  mais  ils  le  veulent  donc  dementir:  car  il  est  certain  que  nous  monstrerons  la  crainte  que  nous  luy  portons,  quand  nous  ne  prendrons  son  nom  qu'en  sobriete,  et  qu'il  ne  sera  point  profane  par  nous.  Et  de  fait  quand  nous  aurons  bien  regarde  quelle  est  la  cause  du  serment,  il  est  certain  que  nous  provocquerons  tousiours  Dieu  a  l'encontre  de  nous,  s'il  y  a  aucun  abuz  et  corruption.  Car  les  hommes  mortels,  comme  dit  l'Apostre,  iurent  par  un  plus  grand  qu'eux,  et  Dieu  iure  par  soy  mesme,  d'autant  que  n'y  en  a  point  de  plus  grand.  Il  faut  donc  qu'en  tous  sermens  le  nom  de  Dieu  soit  interpose.  Ii  est  bien  vray  [pag.  90]  quand  on  dira:  Par  Dieu,  qu'on  n'exprime  point  de  mot  en  mot  que  Dieu  punisse  et  face  vengeance  :  on  ne  dira  point  cela,  mais  c'est  assez  que  son  nom  soit  la  mis  en  avant  comme  iuge.  De  quelque  facon  de  parler  donc  qu'on  use,  Dieu  n'est  point  sophiste  :  et  aussi  nous  ne  gaignerons  rien  quand  nous  voudrons  faire  des  subtilz  envers  luy,  et  il  est  certain  que  tousiours  la  confusion  retombera  sur  nos  testes.  Et  au  reste,  encores  quand  on  veut  bien  declairer  un  serment,  il  est  certain  que  Dieu  sera  la  nomme  et  appele  pour  tesmoin.  Or  il  ne  peut  estre  tesmoin  qu'il  ne  soit  iuge.  Et  puis  il  y  a  quant  et  quant  les  imprecations  qu'on  appelle,  c'est  a  dire  qu'un  homme  s'offre  a  estre  puni  selon  qu'il  l'a  merite,  quand  il  abuse  du  nom  de  Dieu.  Et  voila  pourquoy  aussi  il  est  dit  tant  souvent  en  l'Escriture,  que  Dieu  me  face  ceci  et  cela,  c'est  a  dire  qu'il  me  punisse  et  selon  le  corps  et  selon  l'ame.  En  d'autres  passages  cela  n'est  point  exprime,  mais  il  y  a  seulement  un  Si,  et  le  propos  est  rompu  comme  en  ce  passage  mesmes:  I'ay  leve  ma  main  au  Dieu  vivant  si  i'en  43*