35:677  677  DE  LA  PROPHETIE  DE  CHRIST.  678  prive  tellement  de  ce  qu'ils  avoyent,  que  mesmes  ce  qui  estoit  a  nostre  dommage,  sera  converti  a  nostre  profit.  Et  cela  est  entendu  non  seulement  de  Satan,  le  chef  des  meschans,  mais  aussi  bien  de  tous  nos  adversaires;  comme  nous  voyons  qu'autant  qu'il  y  a  d'incredules,  ce  nous  sont  autant  d'ennemis  qui  sont  comme  enragez  contre  nous:  brief  nous  voyons  tout  le  monde  qui  nous  est  contraire.  Que  seroit-ce  si  Iesus  Christ  ne  pouvoit  surmonter  par  dessus  tous  les  puissans  et  robustes?  Ainsi  donc,  en  premier  lieu  ce  que  nous  avons  a  retenir  de  ce  passage,  que  Iesus  Christ  estant  monte,  non  seulement  a  tenu  nos  ennemis  liez  comme  captifs,  mais  aussi  a  eu  toute  leur  despouille:  et  nous  avons  receu  les  dons  qui  luy  ont  este  faits  en  hommage,  voire  afin  que  nous  soyons  enrichis  de  sa  liberalite,  d'autant  qu'il  n'y  a  en  nous  que  povrete  et  indigenee.  Or  notamment  il  est  dit,  pource  qu'il  a  espandu  son  ame  a  la  mort.  En  quoy  derechef  Isaie  exprime  que  nostre  Seigneur  Iesus  de  sa  franche  volonte  s'est  offert  :  car  ce  mot  d'Espandre,  signifie  qu'il  ne  s'est  point  espargne,  qu'il  n'y  a  point  este  a  regret.  Car  celuy  qui  donne  sa  force,  encores  qu'en  la  fin  il  lasche  la  main,  ce  n'est  pas  qu'il  monstre  tousiours  quelque  chichete:  mais  celuy  qui  espand,  monstre  qu'il  y  va  d'un  franc  courage.  Ainsi  donc  il  nous  est  monstre  que  nostre  Seigneur  Iesus  a  este  enflamme  d'une  telle  affection  de  l'amour  qu'il  nous  portoit,  que  sa  vie  s'est  escoulee  comme  de  l'eau:  qu'il  a  fait  un  sacrifice  volontaire,  pour  monstrer  qu'il  ne  demandoit  sinon  de  nous  reconcilier  a  Dieu  son  Pere.  Et  c'est  tousiours  pour  nous  confermer  tant  mieux,  afin  que  venans  a  luy,  nous  ne  doutions  point  d'estre  receus  avec  toute  humanite.  Car  comment  seroit-il  possible  qu'il  nous  reiettast  tellement  que  nous  fussions  comme  retranchez  de  luy,  veu  qu'il  s'est  ainsi  iette  comme  a  l'abandon  pour  nous,  et  qu'il  a  espandu  sa  vie?  Oyans  donc  cela,  nous  avons  occasion  de  venir  plus  franchement  a  luy  et  estre  asseurez  qu'auiourd'huy  il  fera  valoir  ce  sacrifice  lequel  il  a  offert  si  franchement  a  Dieu  son  Pere,  a  cause  de  l'amour  infinie  qu'il  nous  portoit.  Au  reste,  d'autant  que  le  fruit  de  la  mort  et  passion  de  nostre  Seigneur  Iesus  est  perpetuel,  cognoissons  qu'auiourd'huy  nous  sommes  enrichis  autant  que  besoin  est,  comme  aussi  nous  Pexperimentons:  car  il  faut  bien  que  Iesus  Christ  nous  secoure  en  tant  de  necessitez  qui  nous  environnent.  Car  que  ferions-nous  autrement,  s'il  n'avoit  tousiours  la  main  pour  nous  soustenir?  Il  seroit  certes  impossible  de  subsister:  Mais  il  nous  donne  de  quoy  pour  remedier  a  toutes  nos  indigences.  Et  defaict,  toutes  les  graces  du  sainct  Esprit  sont  une  partie  de  la  despouille  de  nostre  Seigneur  Iesus  Christ:  car  Dieu  son  Pere  Ten  a  enrichi,  pource  que  nous