23:677  677  SERMONS.  678  violence  meschante.  Car  on  se  deffendra  contre  un  Roy  et  contre  un  Prince,  s'ils  veulent  assaillir  ceux  qui  sont  paisibles,  et  qui  ne  demandent  que  de  vivre  en  amitie.  Ainsi  donc  qu'on  ait  tousiours  ce  regard-la  de  ne  se  point  faire  valoir,  et  n'appeter  point  la  substance  d'autruy:  ou  bien  quand  on  prendra  les  armes,  qu'on  regarde  ce  qui  est  ici  recite  d'Abram  [pag.  87],  afin  que  chacun  s'y  conforme.  Car  le  sainct  Esprit  ne  Fa  point  seulement  voulu  louer  de  ce  qu'il  n'y  a  eu  nulle  avarice  en  luy,  et  qu'il  a  mesprise  or  et  argent:  mais  il  nous  Ta  propose  comme  un  miroer,  afin  que  nous  apprenions  quelle  reigle  il  nous  faut  ensuyvre  pour  en  faire  ainsi.  Nous  pourrions  avoir  des  excuses  frivoles  pour  nous  couvrir  si  nous  avons  pille  et  ravi  de  tous  costes:  mais  tout  cela  ne  nous  servira  de  rien  si  nous  ne  nous  conformons  a  l'exemple  de  nostre  pere  Abram.  Voila  donc  ce  que  nous  avons  a  retenir  sur  ce  passage.  Or  Abram  ne  se  contente  pas  de  respondre  simplement  au  roy  de  Sodome:  mesme  il  iure,  et  dit  qu'il  en  a  iure  desia,  afin  qu'on  ne  barguigne  plus,  et  que  toutes  broches  soyent  coupees,  et  qu'on  ne  dise  plus:  Et  si  feras,  il  vaut  mieux  ainsi:  il  dit:  Pai  leve  ma  main  au  Dieu  vivant.  Or  ceste  facon  de  parler,  de  lever  la  main,  est  d'autant  que  les  hommes,  selon  qu'ils  sont  grossiers  et  terrestres,  ont  besoin  de  s'advertir  par  quelque  signe  quand  ils  iurent,  que  c'est  comme  appelant  Dieu  en  tesmoin  et  pour  iuge.  Il  est  vray  que  le  mot  l'emporte  assez  de  soy,  quand  nous  dirons  :  Ie  proteste  devant  Dieu,  ou  Que  Dieu  me  soit  tesmoin,  ou  Que  Dieu  me  punisse.  Quand  nous  userons  de  ces  formes  de  parler,  les  cheveux  nous  doivent  dresser  en  la  teste  si  nous  menions,  ou  que  nous  usions  de  tromperies.  Car  Dieu  ne  se  [pag.  88]  renoncera  point  soy-mesmes  pour  accorder  a  nos  mensonges,  et  il  faudroit  que  sa  maieste  fust  aneantie.  Car  sa  verite  luy  est  aussi  propre  que  son  essence  immuable.  Les  mots  donc  emportent  assez  de  soy:  mais  nous  sommes  si  pesans,  s'il  n'y  a  quelques  aides  pour  nous  soliciter,  et  quant  et  quant  pour  nous  faire  trembler  de  la  maieste  de  Dieu  quand  nous  iurons,  que  voila  pourquoy  de  tout  temps  l'usage  a  este  entre  les  hommes  de  lever  la  main,  et  Dieu  les  a  conduicts  a  cela.  On  a  donc  leve  la  main  en  serment  solennel,  comme  en  faisant  nos  prieres.  Quand  nous  leverons  les  mains,  c'est  autant  comme  si  nous  appellions  Dieu  a  ce  qu'il  luy  plaise  descendre  du  ciel  pour  nous  secourir  :  non  pas  qu'il  change  de  lieu  ne  de  place,  mais  qu'il  espande  sa  vertu  tellement  que  nous  la  sentions  nous  estre  presente  au  besoin.  Voila  donc  comme  par  la  ceremonie  et  le  geste  exterieur  nous  monstrons  que  les  prieres  nous  conioignent  a  Dieu,  et  qu'elles  font  que  nous  entrions  au  ciel  par  foy,  et  que  Dieu  aussi  de  son  coste  descende  vers  nous,