8:676  lium  (1.  Cor.  10  et  Heb.  7  et  9).  Carnalis  dicitur  tota  illa  vetus  generatio,  quia  non  erat  ita  ut  nos,  novo  hoc  gloriae  spiritu  regeniti,  nec  ad  coelestem  hanc  vitam  cum  Christo  resuscitati.  Non  nego,  quin  ad  eandem  haereditatem,  et  ad  idem  Dei  regnum  sint  eorum  plerique  post  resurrectionem  assumendi  :  et  nonnulli  etiam,  Christo  resurgente,  cum  patriarchis  iam  assumpti:  Sed  praesentem  statum,  et  adventus  Christi  dona  coelestia  dico  esse  nobis  potiora.  Hoc  velim  ex  Paulo  bene  tibi  cognitum.  Quomodo  mortem  Christus  veniens  abolevit,  vitam  nobis  in  lucem  produxit  et  immortalitatem.  Quomodo  per  mortem  destruxit  eum,  qui  mortis  habebat  imperium,  id  est,  diabolum,  et  liberos  reddidit  servituti  mortis  obnoxios?  Quomodo  nos  in  suum  coeleste  regnum  evexit,  et  in  coelestibus  sedere  fecit?  Annon  usque  ad  mortem  Christi  regnavit  mors?  Annon  patres  omnes  fuerunt  antea  in  inferno?  Sola  mors  Christi  infernum  confregit,  et  paradisum  aperuit.  Cupiebat  Paulus  dissolvi,  et  esse  mox  cum  Christo,  in  paradiso,  quod  patribus  olim  non  dabatur.  Si  caro  Christi  est  vere  cibus,  est  vere  alimentum.  Si  est  vere  alimentum,  ille,  qui  ea  nutritur,  efficitur  substantialiter  unum  cum  Christo.  Substantiali  autem  hoc  carnis  Christi  cibo  non  est  usus  [pag.  613]  Abraham:  praestantiores  igitur  sumus  nos.  Illos  omnes  nos  praecellimus:  quia  nondum  ad  eos  venerat  regnum  Christi,  nec  gloria  resurrectionis  eius.  Nunc,  inquit,  iudicio  tolletur  carcer  Satanae.  Nunc  princeps  huius  mundi  eiicietur  foras.  Et  ego  exaltatus  vos  ad  me  in  coelum  traham.  Post  mortem  sacerdotis  magni  nos  sumus  reversi  ad  priorem  paradisi  possessionem,  non  ante.  Per  mortem  eius  est  aperta  via  sanctorum  in  ipsum  coelum.  EPISTOLA  DECIMA  QUINTA.  Regenerationem  veram  nondum  es  assequutus,  sicut  nec  regnum  Christi  coeleste.  Regenerationem  fateor  non  momento  perfici,  incipere  tamen  certo  tempore,  idque  in  homine  verborum  vitae  capace,  fideil)  capace,  quum  fides  sit  ostium  regni  coelorum.  Annon  certum  est  tempus,  quo  quis  vocatur?  quo  ex  iniusto  fit  iustus?  ex  non  credente  credens?  Certum  templis  est,  quo  quis  convertitur,  quo  a  Christo  sanatur,  et  quo  remittuntur  ei  peccata,  ut  ait  ipse  Christus  Matth.  13  et  Marc.  4.  Tempus  certum  mutationis,  et  translationis  nostrae,  vide  Eph.  2,  Col.  1  et  2  et  alibi  passim.  Certum  est  tempus  quo  infirmus  dimissa  febre  incipit  renovari,  qui  et  postea  magis  ad  valetudinem  maiorem  in  dies  renovatur.  Regeneratio,  et  renovatio  dicitur  in  baptismo,  febre  mortis  dimissa,  et  accepto  vitae  spiritu,  ac  regni2)  coelestis  introitu.  Lege  quod  ad  1)  fideique.  2)  vitae.