35:676  buts  qui  luy  appartenoyent  comme  a  celuy  qui  s'estoit  assuieti  ses  adversaires,  sainct  Paul  dit  qu'il  a  eslargi  ses  dons  entre  les  hommes.  Il  semble  bien  de  prime  face  que  ce  soyent  choses  contraires,  mais  elles  s'accordent  tres  bien,  d'autant  que  nostre  Seigneur  Iesus  n'a  point  este  enrichi  en  particulier  pour  soy,  comme  il  n'ha  besoin  de  rien,  mais  c'a  este  afin  de  nous  distribuer  les  despouilles:  comme  aussi  il  est  dit  au  Pseaume,  que  non  seulement  ceux  qui  auront  combatu  auront  leur  portion  au  butin,  mais  aussi  les  femmes  qui  ne  seront  bougees  de  la  maison.  Car  de  faict,  nous  sentons  comme  Dieu,  par  la  mort  et  passion  de  son  Fils  unique,  nous  a  remplis  de  ses  biens:  non  pas  qu'il  y  ait  eu  nulle  vertu  ni  industrie  en  nous:  car  nous  sommes  moins  que  des  femmes  qui  fileront  leurs  quenouilles  cependant  qu'on  sera  au  combat.  Quand  donc  ii  est  dit  en  ce  passage  que  Dieu  donnera  a  Iesus  Christ  les  butins  de  ses  ennemis  qu'il  aura  vaincus,  voire  quelques  robustes  et  puissans  qu'ils  soyent,  cela  n'est  point  seulement  pour  sa  personne,  mais  c'est  afin  que  nous  scachions  que  le  diable  maintenant  n'ha  nul  droict  ni  appartenance  sur  nous,  quand  nous  sommes  faits  participans  de  la  mort  et  passion  du  Fils  de  Dieu:  ce  que  nous  obtenons  par  le  moyen  de  l'Evangile.  Ainsi  donc,  que  nous  soyons  suiets  a  nostre  Seigneur  Iesus  Christ,  que  nous  l'avouyons  pour  nostre  Roy,  et  que  cela  se  face  sans  feintise:  il  n'y  a  nul  doute  que  nous  n'obtenions  de  luy  liberte  en  premier  lieu:  et  puis  les  biens  qui  nous  sont  necessaires,  et  desquels  nous  sommes  indigens,  sinon  que  nous  les  recevions  de  sa  main.  Or  regardons  maintenant  si  Satan  n'estoit  despouille,  combien  nous  serions  miserables:  car  il  nous  possede,  il  iouit  paisiblement  de  nous:  comme  aussi  nostre  Seigneur  Iesus  le  prononce:  brief  nous  sommes  comme  sa  propre  possession  et  domaine.  Ainsi  nous  avons  besoin  que  la  mort  et  passion  de  nostre  Seigneur  Iesus  Christ  produise  son  fruit  en  nous,  et  que  nos  ennemis  estans  vaincus,  soyent  quant  et  quant  deschassez:  que  Iesus  Christ  leur  tiene  comme  le  pied  sur  la  gorge,  et  qu'ils  ne  puissent  rien,  quoy  qu'ils  machinent  de  nous  faire  toute  nuisance.  Notamment  il  est  yci  parle  des  robustes  et  excellens,  afin  que  nous  ne  soyons  point  estonnez  de  la  force,  des  munitions  et  de  tout  l'equipage  de  nos  ennemis:  car  c'est  bien  pour  nous  effrayer,  quand  nous  regardons  a  nostre  debilite  d'une  part,  et  cognoissons  que  le  diable  est  comme  un  lion  rugissant,  que  le  peche  ha  toute  domination  sur  nous:  cela,  di-ie,  seroit  bien  pour  nous  estonner,  sinon  que  nous  eussions  ce  tesmoignage,  qu'il  n'y  a  puissance,  ne  forteresse,  ne  rien  qui  soit  qui  empesche  que  nostre  Seigneur  Iesus  n'ait  la  despouille  de  tous  ses  ennemis,  qu'il  ne  les  dechasse  et  les