23:676  qu'ils  avoyent  espargne  les  habitans  du  pais.  Et  aussi  Dieu  les  avoit  menacez,  que  s'ils  en  laissoyent  quelques  uns,  ce  leur  seroyent  comme  des  espines  pour  les  picquer  aux  costez,  et  mesmes  pour  leur  crever  les  yeux.  Mais  il  y  a  icy  une  raison  particuliere:  car  Abram  n'estoit  pas  arme  de  Dieu  pour  purger  la  ville  de  Sodome  et  les  villes  voisines,  de  leurs  habitans,  ne  pour  dominer  sur  eux.  Il  a  seulement  recouvre  son  neveu  Lot:  combien  que  par  ce  moyen  [pag.  85]  Dieu  aussi  a  eu  pitie  des  Sodomites  et  leurs  voisins,  d'autant  qu'il  a  voulu  differer  pour  quelque  peu  de  temps  la  vengeance  qui  leur  estoit  apprestee.  Abram  donc  sachant  la  raison  pour  laquelle  il  avoit  pris  les  armes,  ne  se  donne  point  liberte,  et  ne  cerche  point  d'excuses  subtiles,  comme  ceux  qui  appetent  le  gain,  mais  declaire  qu'il  n'en  aura  rien.  Et  toutesfois  si  ne  peut-il  faire  qu'Aner,  Escol  et  Mamre  n'ayent  leur  portion:  car  il  ne  les  avoit  pas  sous  soy  ne  sous  son  empire.  Il  estoyent  la  venus  comme  de  gratuite:  estans  ses  amis  et  alliez,  ils  l'ont  secouru  afin  qu'il  peut  retirer  son  neveu  Lot:  il  leur  laisse  donc  leur  droit.  Ainsi  nous  voyons  d'un  coste  quelle  temperance  il  y  a  eu  en  Abram:  et  d'autre  coste  nous  voyons  combien  qu'il  n'ait  pas  pris  la  valeur  d'une  espingle,  si  est-ce  qu'il  n'a  peu  faire  qu'il  n'y  ait  eu  perte  et  dommage,  et  que  ceux  qui  estoyent  en  sa  compagnie  n'eussent  leur  portion  de  la  despouille.  Et  c'est  pour  monstrer  encores  mieux  quand  celuy  qui  mene  guerre  seroit  comme  un  Ange  de  Paradis,  qu'il  mespriseroit  or  et  argent,  et  qu'il  aimeroit  mieux  mourir  que  d'avoir  gaigne  une  seule  maille  sous  ombre  qu'il  a  expose  sa  vie  :  toutesfois  que  la  guerre  de  soy  emporte  tousiours  beaucoup  d'iniquitez,  ou  bien  d'excez:  encores  qu'on  dise  que  cela  est  licite,  tant  y  a  qu'il  y  aura  de  l'outrage,  et  qu'il  faudra  [pag.  86]  que  beaucoup  de  gens  pleurent  leurs  pertes:  l'un  aura  sa  maison  brulee,  l'autre  sera  pille,  on  luy  aura  ravi  iusques  a  la  paille  du  lict,  on  aura  pris  a  l'autre  quelque  marchandise,  en  sorte  qu'il  en  sera  desnue.  Il  faut  donc  qu'il  y  ait  beaucoup  de  larmes  et  de  gemissemens,  quand  il  y  aura  guerre  ouverte:  et  &insi  tousiours  on  doit  estre  admoneste  de  se  tenir  comme  les  mains  liees:  et  se  garder  bien  d'entrer  en  telles  confusions,  ausquelles  il  n'y  a  nul  remede,  encores  qu'on  se  voulust  gouverner  comme  des  Anges,  ainsi  que  i'ay  dit.  Or  en  somme,  ceux  qui  se  deffendent  iustement,  et  qui  sont  contrainctz  de  ce  faire,  encores  doivent-ils  estre  bien  vigilans  a  se  porter  tellement,  que  pour  le  moins  ils  ensuivent  nostre  pere  Abram.  Et  si  on  ne  peut  eschapper  qu'il  n'y  ait  des  excez,  des  pertes  et  degast,  pour  le  moins  qu'ils  ayent  cela  pour  bien  resolu,  que  la  guerre  ne  se  face  point  a  l'estourdie,  et  pour  avoir  despouille,  mais  que  ce  soit  pour  la  deffense  iuste  d'un  pais,  quand  il  sera  envahy  d'une