35:675  675  SEEM0N8  676  SEPTIEME  SERMON  Isa.  Chap.  LIII.  12.  Pourtant  ie  lui  donneray  despouille  entre  les  grans:  il  pariira  le  butin  avec  les  robustes,  d1  autant  qu'il  a  espandu  son  ame  a  la  mort,  et  qu'il  a  este  mis  au  rang  des  malfaiteurs:  et  a  porte  le  peche  de  plusieurs,  et  a  prie  pour  les  iniques.  Le  Prophete  declare  yci  en  somme  que  nostre  Seigneur  Iesus  non  seulement  a  vaincu  la  mort  en  mourant,  mais  aussi  a  eu  le  droict  de  ravir  la  substance  a  ses  ennemis  et  d'avoir  leur  despouille:  comme  quand  on  a  acquis  une  victoire,  cela  aussi  s'ensuit.  Vray  est  que  nostre  Seigneur  Iesus  ne  s'est  point  enrichi  des  biens  de  ce  monde:  mais  tant  y  a  que  c'estoit  a  ceste  fin  que  nous  avons  dite  qu'il  a  cotiibatu  la  mort.  Nous  scavons  qu'il  faloit  que  Satan,  qui  est  le  prince  du  monde,  fust  deboute  de  son  empire:  car  sans  cela  nostre  condition  estoit  plus  que  miserable.  Il  faloit  aussi  que  le  peche  n'eust  plus  la  vogue.  Voyla  comme  nostre  Seigneur  Iesus  a  despouille  ses  ennemis,  ascavoir  d'autant  que  nous  ne  sommes  plus  sous  la  tyrannie  de  Satan,  ne  sous  la  servitude  de  pecho  mais  sommes  mis  en  liberte.  Et  de  faict,  sainct  Paul  allegant  ce  qui  est  dit  au  Pseaume,  monstre  comme  ce  passage  a  este  accompli,  quand  il  dit  que  Dieu  est  monte  en  haut,  et  a  mene  captive  la  captivite,  qu'il  a  tenu  ses  ennemis  liez  et  garrotez,  sans  qu'ils  eussent  aucune  puissance  de  luy  resister:  et  qu'il  a  receu  hommage  entre  les  hommes  avec  tributs.  Il  est  vray  que  David  parle  la  par  similitude;  car  quand  il  dit  que  Dieu  est  monte  en  haut,  c'est  pource  qu'il  avoit  dissimule  quelque  temps,  et  sembloit  qu'il  fust  comme  endormi,  quand  les  choses  estoyent  si  confuses,  que  les  fideles  gemissoyent  sans  aucun  secours,  les  meschans  s'esgayoyent  en  toute  licence.  Quand  donc  il  y  a  tels  troubles  en  ce  monde,  et  qu'en  invoquant  Dieu,  il  ne  semble  pas  que  nous  profitons  rien,  il  est  comme  abbatu  et  cache.  Pour  ceste  cause  a  l'opposite,  quand  Dieu  a  maintenu  la  cause  de  son  Eglise,  en  destruisant  les  ennemis  d'icelle,  David  dit  qu'il  s'est  esleve.  Mais  S.  Paul  monstre  que  cela  a  este  accompli  en  la  personne  de  nostre  Seigneur  Iesus  Christ,  d'autant  que  pour  un  temps  ea  maieste  avoit  este  obscurcie,  et  sans  aucune  reputation  entre  les  hommes.  Il  a  donc  falu,  dit-il,  qu'il  descendist  iusques  au  profond  de  la  terre,  et  qu'il  fust  mesprise  des  hommes,  pour  en  la  fin  estre  exalte  tellement,  que  non  seulement  il  eust  des  hommes  un  simple  hommage,  mais  aussi  qu'il  distribuast  les  despouilles  et  tributs.  Car  au  lieu  qu'il  est  dit  au  Pseaume  qu'il  a  pris  les  tri-