23:675  675  SERMONS.  676  sa  marque,  comme  dit  sainct  Paul  aux  Philippiens,  et  que  nous  esclairions  d'autre  coste  aux  meschans:  combien  qu'ils  soyent  gens  tortuz  et  pervers,  toutesfois  que  nous  leur  monstrions  le  bon  chemin:  afin  qu'ils  en  soyent  confuz,  et  qu'ils  ne  trouvent  en  quoy  mesdire  de  nous:  et  cependant  qu'ils  soyent  rendus  plus  inexcusables,  quand  ils  verront  que  nous  servons  a  Dieu  en  integrite,  cependant  qu'ils  sont  adonnez  a  fraudes,  a  tromperies  et  a  choses  semblables.  Voila  donc  comme  nous  avons  a  pratiquer  [pag.  83]  ceste  doctrine.  Or  quant  au  fait  d'Abram,  nous  voyons  ici  sa  bonne  conscience.  Oar  si  une  guerre  est  esmeue,  il  semble  que  tout  soit  licite,  comme  mesmes  c'a  este  un  proverbe  ancien,  que  les  loix  cessent  au  milieu  des  guerres:  combien  qu'il  y  ait  quelque  police,  comme  elle  est  alors  plus  requise  qu'en  temps  de  paix:  mais  il  y  aura  quelque  superiorite,  afin  qu'un  capitaine  soit  obey,  que  les  soldats  se  tiennent  sous  leur  enseigne,  qu'on  ne  s'expose  point  a  l'abandon,  qu'on  se  garde  de  l'ennemi.  Ces  choses  donc,  qui  concernent  le  fait  des  armes,  auront  des  reigles,  des  loix  et  status:  mais  cependant  il  est  impossible  qu'une  guerre  soit  esmeue  qu'il  ne  se  face  beaucoup  d'outrages.  Et  c'est  pourquoy  aussi  tous  ceux  qui  pensent  a  desgainer  l'espee  doivent  avoir  horreur,  toutes  fois  et  quantes  qu'ils  pensent  quelle  queue  cela  emporte.  Oar  il  est  impossible  qu'en  telle  meslee  n'y  en  ait  beaucoup  d'occis  qui  seront  innocens,  qu'il  n'y  ait  des  maisons  saccagees,  qu'il  n'y  ait  beaucoup  d'orphelins  et  de  veufves,  et  que  le  bien  de  ceux  qui  n'en  peuvent  mais,  ne  soit  ravi,  et  qu'on  ne  le  prenne,  comme  la  necessite  le  requiert:  et  sur  tout  quand  on  a  faute  de  munition,  et  que  le  ventre  contraint  de  penser  qu'il  y  aura  famine  et  disette,  on  en  prendra  de  tous  costez.  Voila  comme  la  guerre  de  soy  apporte  tousiours  confusion.  Et  au  reste,  ceux  qui  iront  en  guerre,  encoresque  [pag.  84]  ils  ayent  des  titres  bien  legitimes,  et  qu'ils  puissent  monstrer  qu'il  y  a  cause  qui  les  induit,  et  mesmes  qui  les  y  pousse  quasi  par  necessite:  tant  y  a  qu'ils  ne  laissent  pas  cependant  de  se  permettre  beaucoup,  et  de  se  dispenser:  car  ils  allegueront:  Si  mon  ennemi  m'eust  vaincu,  qu'eust-il  fait?  m'eust-il  espargne  ny  moy  ny  les  miens?  Il  est  certain  que  s'il  teust  eu  victoire,  il  eust  tout  saccage,  cela  s'en  allait  racle:  et  puis  qu'ainsi  est,  pourquoy  n'userayie  d'une  facon  semblable?  Voila  comme  ceux  qui  font  la  guerre  se  dispensent  et  se  permettent  une  telle  licence,  qu'en  pillant  et  ravissant  ils  ne  cuident  point  mal  faire:  toutesfois  nous  voyons  comme  Abram  s'est  porte.  Il  est  vray  que  quand  les  enfans  d'Israel  sont  entrez  en  la  terre  de  Canaan,  ils  ont  tout  saccage,  Pourquoy?  Il  leur  estoit  commande  de  Dieu,  et  ne  pouvoyent  faire  autrement:  et  mesmes  ils  ont  este  puniz  en  grande  rigueur,  d'autant