9:674  occidatur.  Nam  ideo  morte  sua  nos  Deo  reconciliavit,  quia  eius  obedientia  sepultae  sunt  ac  deletae  nostrae  iniquitates.  Sacrificium  igitur  voluntarium  esse  oportuit:  arcano  autem  et  admirabili  Dei  consilio  factum  est,  ut  idem  qui  sponte  mortem  obibat,  ab  impiis  traheretur  ad  crucem.  Sic  Deus  qui  statuerat  populum  suum  redimere  ex  Aegypto,  Mosi  iniunxit  hoc  munus,  et  simul  Pharaonem  excitavit,  cuius  contumacia  magis  illustraret  nomen  suum.  Ergo  Christus  sic  patri  obsequium  praestitit  ad  expianda  mundi  peccata,  ut  tamen  proditoris  sceleri  non  consenserit.  XXIII.  IUDAEUS.  Quaere  ab  iis  qui  dicunt,  quod  pro  occisione  Iesu  nos  sumus  in  hoc  exsilio,  quod  non  est  verum,  quum  ante  mortem  eius  ebsemus  in  exsilio.  Et  quamvis  ita  esset,  quum  scriptum  sit,  quod  in  hora  mortis  eius  illum  petiisse  a  patre,  et  dixisse:  Pater  mi,  condona  illis  quod  faciunt^  quia  illi  nesciunt,  quid  faciant  Si  autem  pater  et  filius  idem  sunt,  et  est  illis  eadem  voluntas,  esset  certe  condonata  haec  iniquitas,  quum  ille  ipsemet  condonareL  CALVINUS.  Quaere  vicissim,  quum  Deus  optet  sanam  mentem  Iudaeis,  ut  finem  suum  intelligant  (Deut.  32,  29)  :  quomodo  tamen  caeci  maneant  et  vecordes,  quia  in  manu  Dei  fuit  sanam  mentem,  qua  privati  erant,  restituere?  Quaere  item,  quum  dicat  apud  Isaiam  se  contentum  esse  septuaginta  annorum  exsilio,  perpetua  misericordia  velle  prosequi  Iudaeos,  cur  tam  severe  vindicet  nunc  in  eorum  filios?  Primo  meretur  eorum  perdita  obstinatio  et  indomabilis,  ut  immensa  miseriarum  congerie  sine  fine  et  modo  oppressi  *  omnes  exhilarent  suis  malis,  nemo  autem  eorum  misereatur.  Quale  enim  est  huius  stuporis  portentum,  quod  iam  tot  saeculis  assidue  palam  infesta  Dei  manu  attriti,  de  causa  tam  securi  sunt?  Constat  ex  prophetis  quam  horrenda  scelerum  omnium  colluvies  grassata  fuerit  in  populo  illo  longe  ante  exsilium.  Iam  centum  ante  annis  principes  Sodomae,  et  populum  Gomorrhae  nominaverat  Isaias  (1,  10):  ex  eo  non  cessarunt  diabolica  sua  duritie  provocare  in  se  Dei  vindictam:  Deus  tamen  postquam  septuaginta  annorum  exsilio  eos  multavit,  dicit  se  duplicem  poenam  exegisse  de  peccatis  eorum  (Isa.  40,  2).  Calvtm  opera.  Vol  IX.  43