7:674  concidat.  Cur  enim  inaestimabili  Dei  beneficio  diutius  fruerentur,  qui  pro  nihilo  ipsum  duxerunt?  Haec  ideo  dico,  ut  quicunque  aliquo  pietatis  sensu  [pag.  203]  tanguntur,  quasi  extenta  Dei  manu  ad  mortem  se  vocari  meminerint.  Ac  ne  animi  deficiant,  beatius  multo  sibi  esse  non  dubitent,  laboranti  perculsaeque  ecclesiae  se  ultro  adiungere  socios,  quam  nimium  sibi  cavendo,  privataeque  tranquillitati  consulendo,  sortem  appetere  a  filiis  Dei  segregatam.  Dicebat  ille,  1)  quum  mors  esset  prae  oculis,  se  nihilo  minus  senectutis  fiducia  esse  liberum:  etiam  ubi  non  erat  tam  necessaria  libertas.  An  apud  nos  pro  gloriae  Christi  patrocinio  minus  futurae  vitae  valebit  aeternitas,  quam  apud  illum  praesentis  vitae  brevitas  valuit?  Pudeat  nos  quoties  illam  mulieris  vocem  audimus  quae  inducitur  ab  ethnico  poeta:  Usque  adeone  mori  miserum  est?  si  in  testanda  fide  nostra,  ubi  discrimen  aliquod  se  ostendit,  suspensi  haesitamus.  Ego  vero,  ut  mihi  satis  conscius  sum  meae  imbecillitatis,  ita  Dei  subsidio  fretus,  re  ipsa,  quum  usus  postulabit,  me  ostensurum  confido,  quam  serio  crediderim  ac  credam,  beatos  esse,  qui  in  Domino  moriuntur.  1)  On  raconte  d'un  ancien  Payen  etc.  Exiguum  fermentum  totam  massam  corrumpit.  1  Cor.  5.  Quousque  claudicatis  in  utramque  cogitationem?  Si  Dominus  est  Deus,  sequimini  ipsum.  Si  autem  Baal,  sequimini  ipsum.  Heliae  nihil  respondit  populus.  1  Reg.  18.  Saltem  ergo  taciti  gemant,  quos  sua  conscientia  convictos  tenet:  nec  obstrependo  malum  plus  satis  grave  augeant.  Calvini  opera.  Vol.  VIL