35:674  faction  ou  payement,  venans  a  conte  devant  Dieu.  Il  nous  faut  donc  tousiours  commencer  par  ce  bout,  d'estre  du  tout  confus:  et  au  reste  que  nous  ne  doutions  point  que  nous  ne  soyons  maintenant  deschargez,  puis  que  nostre  Seigneur  Iesus  a  porte  nostre  fardeau:  et  que  nous  pouvons  lever  la  teste,  cognoissans  que  nous  sommes  affranchis  du  iugement  de  Dieu.  C'est  donc  en  somme  ce  que  nous  avons  a  retenir  yci,  Que  d'autant  qu'une  fois  nous  avons  este  sanctifiez  par  le  sacrifice  que  Iesus  Christ  a  offert,  quand  il  s'est  dedie  au  service  de  Dieu,  comme  alors  il  a  proteste:  auiourd'huy  il  faut  que  nous  deschargions  nos  pechez  sur  luy,  cherchans  en  luy  plene  iustice:  et  pour  ce  faire,  que  nous  prestions  l'aureille  a  l'Evangile,  cognoissans  que  la  Dieu  nous  convie  a  soy  d'une  voix  amiable,  et  ne  requiert  pas  de  nous  ce  qui  nous  seroit  impossible,  et  qui  ne  pourroit  sinon  nous  mettre  en  desespoir:  comme  il  estoit  dit  par  la  Loy,  Maudit  sera  celuy  qui  n'accomplira  toutes  ces  choses  (ce  qui  estoit  pour  nous  forclorre  du  tout  de  salut)  mais  qu'yci  il  nous  est  declare  que  si  nous  sommes  povres  pecheurs,  Dieu  nous  applicque  le  remede  convenable  :  c'est  que  nous  soyons  iustifiez  en  nostre  Seigneur  Iesus  Christ,  venans  la  comme  povres  mendians,  afin  d'estre  secourus  en  telle  disette  que  nous  sommes.  Et  au  reste,  que  nous  scachions,  quand  nostre  Seigneur  est  nomme  iuste,  que  c'est  pour  monstrer  qu'il  nous  iustifie,  en  tant  qu'il  a  prins  nostre  nature,  afin  que  nous  ayons  acces  prive  a  Dieu  pour  iouir  d'un  tel  bien:  et  que  nous  ne  disions  pas,  Qui  est-cequi  montera  pardessus  les  nues?  Comme  sainct  Paul  allegant  ce  passage  de  Moyse  monstre  que  quand  l'Evangile  nous  est  presche,  il  ne  faut  plus  faire  longs  discours,  pour  scavoir  si  Dieu  nous  est  prochain.  Car  cela  seroit  arracher  Iesus  Christ  de  son  siege  celeste.  Semblablement  que  nous  n'alleguions  plus,  Qui  descendra  aux  abysmes?  Car  Iesus  Christ  y  est  descendu,  afin  que  nous  soyons  asseurez  qu'il  nous  en  a  retirez,  et  que  maintenant  il  fait  encores  office  de  MediatQur:  et  qu'il  nous  veut  faire  tellement  participans  de  sa  iustice,  qu'il  veut  que  nous  en  soyons  revestus,  que  nous  la  possedions,  qu'elle  habite  en  nous,  et  que  par  icelle  nous  soyons  eslevez  en  plene  fiance  iusques  a  Dieu  son  Pere,  tellement  que  nous  le  puissions  invoquer  sans  aucun  doute.  Or  nous  nous  prosternerons  devant  la  maieste  de  nostre  bon  Dieu,  en  cognoissance  de  nos  fautes,  luy  prians  etc.  43