23:674  touche  pour  gain  quand  il  a  vestu  les  armes,  il  dit  qu'il  n'en  retiendra  point  un  seul  filet:  et  mesmes  en  ce  mot  (Afin  que  tu  ne  aises  que  tu  as  enrichi  Abram),  il  est  certain  qu'il  n'a  point  este  >meue  d'ambition.  Comme  souvent  il  y  aura  magnanimite  en  ceux  qui  appetent  d'attirer  a  eux  la  substance  d'autruy:  mais  craignant  la  honte  du  monde  et  les  reproches,  ils  veulent  encores  monstrer  quelque  constance.  Abram  n'y  a  pas  ainsi  procede:  mais  comme  i'ay  dit,  c'a  este  afin  que  le  nom  de  Dieu  ne  fust  point  blaspheme  a.  son  occasion.  Car  on  eust  peu  dire:  Et  comment?  [pag.  81]  Cest  homme  a  monstre  une  grande  simplicite  iusques  ici,  et  on  voit  qu'il  adore  un  Dieu  a  part,  qu'il  y  a  si  grande  devotion  que  merveilles:  il  dit  qu'il  a  quitte  son  pais  d'autant  que  Dieu  l'a  appelle,  et  cependant  il  fait  la  guerre,  il  a  les  despouilles,  et  on  voit  que  c'est  un  brigand.  Voila  donc  comme  souz  le  nom  d'Abram,  le  nom  de  Dieu  eust  este  expose  a  beaucoup  de  calomnies.  Et  c'est  pourquoy  aussi  il  se  retient.  Or  ceci  est  escrit  pour  nous:  et  en  premier  lieu  faut  observer  ceste  reigle,  que  ce  n'est  point  assez  d'avoir  nostre  conscience  pure  devant  Dieu,  mais  aussi  qu'il  nous  faut  procurer  (comme  sainct  Paul  nous  en  monstre  l'exemple)  d'avoir  bonne  estime  et  reputation  envers  nos  prochains,  Pourquoy?  Afin  qu'ils  ne  nous  condamnent  point,  quand  ils  cuideront  qu'une  chose  mauvaise  ait  este  faite  par  nos  mains:  plus  tost  que  nous  les  incitions  a  bien  faire.  Il  est  vray  que  nous  ne  pourrons  pas  eschapper  les  morsures  et  les  abaiz  de  beaucoup  de  chiens:  et  quand  nous  serons  sans  aucune  tache  et  macule,  si  ne  laisseront-ils  pas  de  detracter  et  mesdire  de  nous:  car  le  Fils  de  Dieu  a  bien  passe  par  la:  tous  les  Prophetes  et  Apostres  ont  este  chargez  de  fausses  calomnies.  Il  faut  donc  que  nous  soyons  apprestez  a  bien  faire  (comme  dit  S.  Paul  en  l'autre  passage)  et  cependant  de  mal  ouir,  d'avoir  beaucoup  de  brocards,  de  fausses  reproches  et  d'iniures  [pag.  82],  il  faut  que  nous  passions  par  la:  mais  cependant  entant  qu'en  nous  sera,  si  fautil  oster  l'occasion  de  ceux  qui  la  cerchent,  et  leur  clorre  la  bouche,  afin  que  le  nom  de  Dieu,  comme  i'ay  dit,  ne  soit  point  blaspheme  par  nostre  faute  et  coulpe.  Voila  donc  en  quoy  il  nous  faut  ensuivre  Abram:  c'est  de  regarder  bien  que  nous  sommes  espiez  de  tous  costez:  et  mesmes  quand  nous  ne  le  serions  pas,  qu'encores  nous  devons  cela  a  nos  prochains,  de  ne  point  donner  scandale  aucun  aux  infirmes:  lesquels  pourroyent  prendre  mauvais  exemple  en  nous  :  et  qu'il  y  aura  tousiours  des  meschans  qui  ne  se  demandent  qu'a  dresser  quelque  accusation,  quelque  querelle  et  quelque  diffame:  mais  outre  cela,  comme  i'ay  dit,  nous  sommes  esclairez.  Car  Dieu  veut  que  nous  soyons  comme  sur  un  eschaffaut,  que  nous  portions  son  nom  et  43