9:673  673  AD  QUAESTIONES  IUDAEI.  674  stinctas  esse:  et  quum  toties  scriptura  dicit  sanctos  dormiisse,  an  putent  uno  interitu  animas  cum  corporibus  involvi?  imo  quum  scriptura  dicit  Absalom  procerae  fuisse  staturae,  Davidem  autem  pusillae  inter  fratres  suos,  an  corporum  mensuram  ad  animas  simul  transferat?  Verum  est  quod  vulgari  proverbio  iactatur,  nullum  simile  esse  idem.  Sed  porci  isti  sic  omnia  naturae  elementa  pervertunt,  ut  nulla  apud  eos  ratio  locum  inveniat.  Dicimus,  sicuti  anima  et  corpus  hominem  unum  efficiunt,  ita  Christum  ex  duabus  naturis  constare:  non  quod  similitudo  omni  ex  parte  conveniat,  sed  quia  apta  et  concinna  est  ad  exprimendam  personae  unitatem.  Caeterum,  ut  demus  quod  postulant,  nihil  esse  diversum:  praepostere  tamen  inferunt.  Christi  divinitatem  cum  carne  fuisse  occisam.  Numquid  enim  tyranni  olim,  quum  in  sanctos  saevirent,  trucidarunt  eorum  animas?  An  Abel,  quum  occisum  fuit  a  Cain,  totus  periit?  Quod  si  superstes  et  illaesa  fuit  eius  anima  post  mortem,  quae  tamen  pars  hominis  erat,  cur  non  potius  intacta  fuisset  Christi  divinitas  in  morte,  licet  naturae  humanae  unita  esset?  XXII.  IUDAEUS.  Quaere:  Si  venit  in  terram  ut  traderet  se  ipse  vinculis  et  morti  pro  vobis,  quare  diicit  quod  Iudas  Iscariot  tradidit  illum,,  si  ideo  venerat  ut  iudicaretur  et  damnaretur?  CALVINUS.  Quaere  vicissim,  quomodo  dicat  Iob  ablata  sibi  fuisse  bona  a  Domino,  quibus  tamen  eum  praedones  spoliaverant?  quomodo  dicat  Deus  se  sibilo  excitare  Aegyptios,  et  Assyrios  armare  suo  nutu,  et  omnes  esse  instar  securis  in  manu  sua:  interim  tamen  pravos  eorum  conatus  damnet,  seque  pronunciet  fore  ultorem  (Isa.  7,  IS)?  Quaere  denique,  quid  de  suo  Meschia  sentiant  ipsi.  Pronunciat  enim  Isaias  positurum  animam  suam  pro  sacrificio,  ut  infirmitates  populi  sustineat:  dicit  caesum  a  Deo  et  vulneratum  (Isa.  53,  5  seqq.).  Certe  vel  fateri  cogentur  ipsum  periturum  sua  manu,  vel  mortem  ab  aliis  percussoribus  illatum  iri.  Ex  eo  quem  nunc  citavi  Isaiae  loco  liquet,  nihil  in  his  duabus  sententiis  esse  dissidii,  ut  sponte  se  offerat  Messias  ad  mortem,  et  tamen  ab  impiis