49:673  673  SUR  L'EPITRE  AUX  CORINTHIENS.  674  bonnes  intentions:  comme  auiourd'huy  les  Papistes  encores  se  defendent  sous  cest  ombre  la.  Or  en  ce  passage  la  il  est  adiouste  notamment  qu'ils  ont  cerche  des  dieux  nouveaux,  ils  les  ont  forgez,  et  leurs  Peres  ne  les  ont  point  cognus.  Par  cela  Moyse  declare  que  si  tost  que  le  service  de  Dieu  est  corrompu  entre  les  hommes,  et  qu'ils  se  donnent  conge  d'inventer  en  cest  endroit,  le  diable  y  domine,  et  c'est  a  luy  qu'on  s'adresse.  On  pourra  user  de  belles  protestations  a  l'opposite,  mais  nous  n'y  gagnerons  rien:  car  Dieu  ferme  la  bouche  a  tous  ceux  qui  taschent  a  colorer  leurs  abominations,  quand  ils  monstrent  que  Satan  est  introduit  lors  qu'on  decline  tant  peu  que  ce  soit  de  la  purete  de  la  religion.  Et  voyla  aussi  pourquoy  en  Ezech,  au  20.  chap.  il  quitte  tout  ce  que  les  Iuifs  faisoyent  semblant  de  faire  a  son  honneur.  Ie  ne  demande  rien  de  tout  cela,  dit-il,  ie  desadvoue  le  tout.  Et  a  qui  les  laisse-il  servir?  A  Satan:  car  il  ne  veut  point  estre  mesle  parmi  ce  qu'il  condamne  et  reprouve.  Notons  bien  donc  que  sainct  Paul  suyvant  le  passage  que  nous  avons  desia  allegue  de  Moyse,  monstre  ici  que  quand  le  service  de  Dieu  est  corrompu  et  abastardi  parmi  les  hommes,  et  qu'on  nous  met  en  avant  des  inventions  meschantes,  le  diable  est  la  colloque  comme  s'il  y  dominoit:  et  que  tous  ceux  que  ce  meslent  ainsi  en  telles  corruptions,  c'est  autant  comme  s'ils  servoyent  a  Satan  et  que  combien  qu'ils  pensent  estre  iustifiez  en  leurs  excuses,  il  en  est  ainsi  neantmoins:  voyla  pour  un  item.  Or  si  ceste  doctrine  estoit  bien  cognue,  il  est  certain  que  nous  aurions  une  bride  estroite  pour  nous  tenir  sous  le  ioug  de  nostre  Dieu  et  le  monde  ne  seroit  pas  ainsi  dissipe  comme  on  le  voit.  Nous  avons  desia  dit  que  les  Papistes  nomment  service  de  Dieu  toutes  les  abominations  qu'ils  ont  forgees  en  la  boutique  de  Satan.  Et  d'ou  procede  cela?  c'est  qu'ils  n'ont  point  cognu  que  le  service  de  Dieu  estoit  fonde  sur  obeissance  et  qu'il  faloit  se  tenir  simplement  a  ce  qu'il  a  commande,  et  qu'il  approuve.  Au  lieu  de  cela  ils  adorent  leurs  marmousets:  ils  y  ont  leur  refuge:  ils  courent  aux  trespassez:  ils  ont  ceci  et  cela  pour  se  maintenir:  ils  mettent  la  fiance  de  leur  salut  en  des  choses  frivoles  et  pueriles.  Tout  cela  donc  est  servir  au  diable,  combien  qu'ils  ce  le  cuident  point  faire.  Et  ce  nous  est  une  bonne  admonition,  comme  i'ay  dit:  a  fin  que  nous  apprenions  de  nous  ranger  en  toute  humilite  a  nostre  Dieu,  et  cheminer  en  sorte  que  nous  tenions  pour  conclud  ce  qu'il  prononce  en  ce  passage,  et  ce  qu'il  avoit  prononce  auparavant  par  la  bouche  de  Moyse  :  c'est  que  les  Payens  sacrifient  au  Diable,  et  non  pas  a  Dieu.  Or  si  on  allegue  que  S.  Paul  ne  parle  ici  que  des  Payens:  la  raison