35:673  673  DE  LA  PROPHETIE  DE  CHRIST.  674  sion  de  sa  iustice,  de  laquelle  auparavant  nous  estions  bien  loin.  Voyla  donc  Dieu  qui  fera  bien  qu'on  presche  l'Evangile:  mais  ce  n'est  point  assez:  nous  n'y  cognoistrons  que  le  haut  allemand  (comme  on  dit)  iusques  a  ce  que  nous  soyons  touchez  au  dedans  par  son  sainct  Esprit:  (voyla  dont  procede  la  foy)  et  alors  nous  sommes  bons  et  vrais  disciples  de  Iesus  Christ,  pour  sentir  le  fruit  de  ceste  doctrine.  C'est  ce  qui  nous  est  yci  monstre  par  le  Prophete.  Or  il  parle  encores  derechef  de  ce  que  Iesus  Christ  a  porte  les  pechez,  pour  monstrer  que  la  satisfaction  est  en  luy,  et  que  nos  pechez  seroyent  une  charge  pour  nous  abysmer  iusques  au  profond  d'enfer,  n'estoit  que  nous  en  fussions  soulagez  par  nostre  Seigneur  Iesus  Christ.  Car  qu'emporte  le  peche,  sinon  l'ire  de  Dieu?  Si  seulement  Dieu  leve  le  doigt,  c'est  pour  destruire  et  ruiner  tout  le  monde:  comme  il  est  dit  qu'a  son  seul  souffle  les  rochers  descoulent,  les  montagnes  sont  fondues,  et  qu'elles  s'escoulent  comme  cire.  Si  donc  Dieu  donne  le  moindre  signe  de  sa  fureur  et  de  son  ire,  il  n'y  a  rien  si  ferme  au  monde  qui  ne  s'escoule:  et  que  sera-ce  de  nous,  qui  sommes  creatures  tant  fragiles,  quand  Dieu  nous  monstrera  une  face  rigoureuse  de  Iuge,  et  qu'il  nous  appellera  a  conte?  Ii  ne  faudra  point  que  nous  oyons  la  voix  de  sa  bouche,  mais  seulement  le  signe  qu'il  donnera  pour  nous  adiourner,  sera  un  abysme  pour  nous  engloutir.  Ainsi  donc  il  faut  bien  que  nos  pechez  nous  soyent  un  fardeau  insupportable.  Or  il  y  en  a  une  infinite  en  nous,  et  nous  n'avons  pas  les  espaules  pour  les  soustenir,  et  pour  subsister  au  dessous.  Mais  quant  a  Iesus  Christ,  combien  qu'il  ait  souffert  en  l'infirmite  de  sa  chair,  il  a  tousiours  este  soustenu  de  la  vertu  de  l'Esprit  qui  luy  a  este  donne.  Et  voyla  comme  il  a  fait  ses  triomphes  mesmes  sur  la  croix,  comme  sainct  Paul  en  parle  aux  Colossiens.  Ainsi  donc  il  nous  faut  tousiours  revenir  a  ce  que  dit  le  Prophete:  comme  aussi  sainct  Pierre  en  est  bon  expositeur  en  sa  premiere  Canonique,  disant  que  sur  le  bois  il  a  porte  nos  pechez.  Il  est  vray  que  ce  n'a  pas  este  la  vertu  du  bois  qui  a  aide  nostre  Seigneur  Iesus  Christ  a  porter  nos  pechez:  mais  il  dit  qu'il  les  a  porte  au  bois,  d'autant  qu'estant  crucifie  il  a  este  comme  maudit  de  Dieu,  et  a  receu  toute  la  malediction  en  laquelle  nous  eussions  este  plongez.  Il  a  donc  receu  tout  cela  afin  de  nous  en  faire  sentir  le  fruit,  et  nous  faire  iouir  de  la  victoire,  de  laquelle  auiourd'huy  il  nous  a  fait  participans.  Ainsi  donc  si  nous  sommes  chargez  en  nous,  venons  a  Iesus  Christ,  afin  d'estre  allegez:  et  recognoissons  le  moyen,  ascavoir  que  c'est  d'autant  que  nous  sommes  acquittez  par  luy  de  toutes  nos  dettes,  tellement  qu'il  ne  faut  plus  imaginer  que  nous  puissions  apporter  aucune  satis-  Calvim  opera.  Vol  XXXV.