23:673  673  SERMONS.  674  soyent  pour  nourrir  les  povres,  et  pour  entretenir  ceux  qui  servent  a  l'Eglise:  que  ces  biens-la  soyent  reduits  a  leur  usage  legitime,  et  que  des  gouffres  insatiables  ne  gourmandent  point  tout:  qu'on  ne  les  dissipe  point  en  choses  superflues,  en  pompes,  en  yvrongneries,  et  autres  dissolutions:  mais  qu'on  cognoisse  que  ce  sont  biens  sacrez,  qui  doyvent  estre  reservez  pour  l'usage  de  l'Eglise,  tant  pour  sustanter  les  povres,  comme  i'ay  desia  dit,  que  pour  la  nourriture  de  ceux  qui  servent  a  Dieu  et  a  son  peuple.  Voila  ce  qu'il  a  fallu  toucher  en  passant,  quant  est  du  droit  des  dismes:  venons  maintenant  a  ce  qui  s'ensuit.  Moyse  retourne  au  roy  de  Sodome,  duquel  il  avoit  parle:  mais  il  a  coupe  son  propos  pour  traiter  [pag.  79]  de  Melchisedec.  Il  adiouste  maintenant,  que  le  Roy  de  Sodome  s'est  voulu  seulement  reserver  les  personnes,  quittant  toute  la  despouille  a  Abram  :  comme  s'il  disoit,  qu'il  ne  demande  rien  de  tout  ce  qui  luy  avoit  este  oste  par  les  ennemis,  et  qu'il  cognoit  bien  qu'Abram  se  Festoit  acquis  par  sa  victoire:  seulement  il  redemande  les  personnes  et  le  lieu  auquel  il  habitoit.  Nous  ne  savons  pas  s'il  a  fait  ceci  par  feintise,  voyant  que  tout  estoit  desia  en  la  main  et  en  la  puissance  d'Abram,  ou  s'il  a  recognu  a  la  verite  qu'il  meritoit  bien  d'avoir  le  tout,  et  que  c'estoit  encores  beaucoup  que  luy  et  ses  gens  eussent  este  retirez  de  la  main  de  ses  ennemis.  Quoy  qu'il  en  soit,  il  est  dit  qu'Abram  reiette  ceste  offre,  et  dit  qu'il  n'en  prendra  rien,  depuis  un  filet  iusques  a  la  courroye  du  soulier:  c'est  a  dire  la  valeur  d'une  espingle,  comme  nous  parlons  en  nostre  langage:  Sinon,  dit-il,  ce  qui  a  este  mange  par  les  compagnons:  car  aussi  ils  n'estoyent  point  la  venus  pour  payer  leur  escot,  et  c'estoit  aussi  pour  le  moins  qu'ils  eussent  este  sustantez  en  exposant  leur  vie  pour  delivrer  ceux  de  Sodome.  Et  bien,  quant  a  ce  qu'ils  ont  mange  (di-ie)  cela  demourera:  et  puis  i'ay  mes  compagnons,  Aner,  Escol  et  Mamre  :  ceuxla  il  faut  qu'ils  ayent  leur  portion  du  pillage:  car  ie  ne  veux  rien  deroguer  a  leur  proffit,  et  ce  n'est  pas  aussi  a  moy  de  [pag.  8  o]  leur  imposer  loy  ou  necessite:  ie  suis  liberal,  il  ne  faut  pas  pourtant  que  ie  les  astraigne  a  une  mesme  mesure.  Ils  prendront  donc  leur  portion,  de  moy  rien.  Et  pour  mieux  confermer  son  dire,  il  dit:  Qu'il  a  leve  la  main  au  Dieu  Souverain,  possesseur  du  ciel  et  de  la  terre,  comme  s'il  disoit  qu'il  a  iure,  et  qu'il  en  fera  ainsi,  pourtant  qu'il  ne  luy  est  plus  licite  de  se  retracter,  afin  que  l'autre  ne  barguigne  plus.  Nous  voyons  ici  comme  Abram  a  voulu  eviter  tous  scandales,  quand  il  a  refuse  d'avoir  aucun  profit  de  ce  qui  estoit  sien.  Oar  si  la  guerre  estoit  bonne,  ce  qu'il  avoit  pris,  il  le  pouvoit  reserver  comme  on  iugeroit  communement:  mais  pour  monstrer  qu'il  n'a  point  este  mene  d'avarice,  qu'il  n'a  point  este  Calvini  opera.  Vol  XXIII.