8:672  Opus  nullum  ais  esse  probum,  nisi  procedat  ex  perfecto  amore:  hic  autem  nusquam  tibi  est.  Perfectionem  omnem  a  nobis  procul  obiicis,  quia  caro  concupiscit.  Violenter  tua  somnia  persequeris.l)  Ex  professo  repugnas  doctrinae  Christi  et  apostolorum  [pag.  607]  eius,  qui  perfectionem  nobis  tribuunt,  et  nos  perfectos  docent,  quum  perfecta  in  nobis  sint  dona  Christi,  et  eius  perfectio  sit  nobis  communicata.  Hinc  nos  perfectos  post  Christum  passim  vocant  apostoli  1  Cor.  1  et  2  et  14  et  2.  Cor,  3.  Ephes.  6.  Col.  1  et  4.  Heb.  5,  6,  7,  9,  10  et  12.  Iac.  1  et  S  et  1.  Pet.  1  et  1.  Ioan.  2  et  4.  Loco  uno  Phil.  3  se  perfectum  et  non  perfectum  docet  Paulus.  Non  perfectum,  si  resurrectionis  gloriam  spectes:  perfectum  vero  perfectione  donorum  Christi.  Ex  eo,  quod  caritas  ipsa  perfecta  Deus2)  est  nobis  communicata,  concludit  Ioannes,  esse  in  nobis  perfectum  amorem,  qui  foras  excludit  timorem.  Ex  eo  ergo,  quod  caro  suis  insultibus  concupiscit,  non  sequitur  spiritum  Christi  non  agere  in  nobis  perfectum  amorem.  Perfectionem  hanc  coelestem  tu  rides,  quam  nondum  gustasti,  nondum  e  coelo  genitus.  Mentitus  est  tibi  Christus,  dicens,  esse  quosdam  beatos,  cor  habentes  mundum,  honestum  et  bonum  Matth.  5  et  Luc.  8.  Mentitus  est  Paulus,  sicut  et  Ignatius,  vocans  sanctos  mundos,  immaculatos,  corda  irreprehensibilia  in  sanctimonia*)  coram  Deo.  Secundum  internum  hominem  ea  omnia  vere  dicuntur.  Non  est  in  sanctorum  operibus  admixtio  foetida,  quam  tu  fingis.  Seorsim  a  nobis  prodeunt  opera  carnis,  et  seorsim  prodeunt  opera  spiritus,  carne  tunc  suppressa.  Opera  spiritus  coram  Deo  et  hominibus  lucent,  teste  Christo,  proba  sunt  et  bona.  Tu  improbus  et  blasphemus,  qui  opera  spiritus  calumnians.  Affirmas,  ea  opera  foedata  esse,  nec  sine  venia  dici  bona:  quasi  ipse  Dei  spiritus  sibi  ipsi  veniam  det.  Imo  Christus  ipse,  qui  in  nobis  agit,  foedum  opus  educit.  Sed  quam  veniam  ais?  Ubi  non  est  novum  peccatum,  non  opus  est  nova  venia.  Non  opus  est,  vetera  semper  repetere,  quae  iam  sunt  condonata,  et  eorum  Deus  non  amplius  recordatur.  Quum  dicebat  Paulus,  se  nullius  peccati  esse  conscium,  non  tunc  peccabat.  Non  peccabant  apostoli  praedicando,  et  virtutes  edendo.  Bona'opera  scriptura  vocat,  et  tu  negas,  esse  bona  P  In  omni,  inquit,  bono  [pag.  608]  opere  fructificate.  Ex  bonis  vestris  operibus  glorificent  patrem  vestrum.  Plena  erat  puella  operibus  bonis  et  eleemosynis  Act.  10.  Plena  misericordia  et  operibus  bonis  Iac.  3.  Imo  in  lege  naturae  et  apud  idololatras  erant  opera  bona,  ut  vides  in  Iob  et  Cornelio,  in  eleemosynis  Nabuchodonosoris,  in  oratione  et  ieiunio  Ninivitarum.  Sed  concedamus  tuo  more  opera  illa  cum  venia  dici  bona.  Cum  venia  poterunt  ad  gloriam  augendam  prodesse.  1)  sequeris.  2)  Sic  quoque  in  MS.  3)  in  sanctimonia  om.