49:672  nous  userons  des  Sacremens  qu'il  nous  donne,  que  la  vertu  s'en  monstrera  par  son  sainct  Esprit.  Et  au  reste  quand  nous  avons  este  marquez  du  signe  du  Baptesme,  que  nous  communiquons  a  la  saincte  table  de  nostre  Seigneur  Iesus  Christ,  et  faisons  protestation  solennelle  d'estre  unis  a  un  seul  Dieu,  aussi  nous  faut-il  renoncer  a  toutes  choses  qui  ne  se  peuvent  accorder  a  son  service,  mais  y  sont  repugnantes.  Voyla  pour  un  item.  Or  maintenant  si  nous  allons  nous  fourrer  parmi  les  superstitions  des  incredules,  quest-ce  sinon  comploter  avec  Satan?  Car  regardons  que  c'est  que  l'idolatrie:  c'est  un  service  de  Satan:  il  n'y  a  point  de  moyen  entre  Dieu  et  le  diable.  Puis  qu'ainsi  est,  concluons  que  celuy  qui  fait  semblant  de  consentir  aux  superstitions  des  incredules,  cestuy  la  (di-ie)  monstre  qu'il  a  tout  perverti,  qu'il  renonce  Dieu,  qu'il  veut  estre  du  coste  de  Satan  et  s'y  accouple  entant  qu'en  luy  est.  Voyla  l'intention  de  S.  Paul.  Or  il  nous  faut  regarder  qu'emporte  ce  mot.  Que  les  Payens  sacrifient  au  diable,  et  non  pas  a  Dieu.  Car  il  est  certain  que  le  nom  de  Dieu  a  tousiours  couru  en  la  bouche  des  hommes  quand  ils  ont  voulu  donner  couverture  et  couleur  a  toutes  leurs  superstitions.  Auiourd'huy  quand  on  demandera  aux  Turcs  ce  qu'ils  cuident  faire  quand  ils  usent  de  toutes  leurs  sottises.  C'est  un  service  de  Dieu,  disent-  ils  :  autant  en  ont  declare  les  idolatres  du  temps  passe.  Les  Papistes  quand  ils  ont  mesle  tout  ce  qu'on  voit  de  diableries  entr'eux,  encores  alleguerontils  que  Dieu  est  servi  par  ce  moyen.  Voyla  donc  eomme  le  nom  de  Dieu  a  tousiours  este  profane,  d'autant  que  les  hommes  en  font  bouclier  pour  confermer  toutes  leurs  superstitions.  Et  de  faict,  leur  fantasie  est  bien  telle.  Car  les  Papistes  ne  seroyent  pas  si  forcenez  de  vouloir  servir  a  Satan  ;  et  cela  mesmes  leur  est  en  horreur:  car  ils  condamneront  ceux  qui  s'assubietissent  a  Satan  et  a  ses  illusions:  et  Dieu  a  voulu  que  cela  fust  tellement  imprime  en  la  nature  des  hommes,  que  la  sorcelerie  et  tous  enchantemens  demeurassent  tousiours  comme  des  crimes  insupportables.  Les  Papistes  donc  ne  voudront  point  de  propos  delibere  servir  au  diable:  mais  il  ne  faut  pas  regarder  a  ce  qu'ils  disent,  Dieu  est  trop  suffisant  pour  en  iuger.  C'est  donc  assez  qu'il  ait  une  fois  prononce  l'arrest  et  la  sentence:  comme  nous  le  voyons  aussi  au  Cantique  de  Moyse.  Ils  ont  offert  leurs  sacrifices  au  diable  et  non  pas  a  Dieu.  Car  les  Iuifs  pouvoyent  dire  que  iamais  n'avoyent  pense  de  quitter  Dieu:  mais  que  ils  avoyent  ieurs