35:672  Nous  sommes  iustifiez  par  la  misericorde  de  Dieu:  ce  n'est  pas  donc  par  la  seule  foy:  apres,  Nous  sommes  iustifiez  par  la  mort  et  passion  de  nostre  Seigneur  Iesus  Christ,  ce  n'est  donc  plus  par  la  seule  foy,  comme  qui  diroit,  Nous  sommes  eschauffez  par  la  chaleur,  ce  n'est  point  donc  par  le  soleil:  nous  sommes  esclairez  par  la  clarte,  ce  n'est  point  donc  par  le  soleil.  Or  notons  que  quand  il  est  parle  de  la  foy,  c'est  pour  nous  ramener  a  l'Evangile:  car  (comme  i'ay  dit)  il  y  a  yci  deux  especes  de  iustice.  Par  la  Loy  il  est  dit  que  nous  serons  iustes,  quand  nous  aurons  accompli  tout  ce  que  Dieu  nous  y  commande.  Or  il  est  impossible  d'en  venir  a  bout:  nous  voyla  donc  desnuez  de  ceste  iustice,  nous  en  sommes  retranchez  du  tout.  Il  y  a  l'autre  iustice,  cest  ascavoir  celle  que  nous  trouvons  en  Iesus  Christ,  quand  apres  nous  estre  bien  examinez,  nous  sommes  convaincus  de  nostre  malice,  et  n'avons  qu'effroy  pource  que  nous  sentons  que  Dieu  est  arme  en  vengeance  contre  nous,  tellement  qu'il  ne  reste  sinon  qu'il  foudroye  pour  nous  abysmer.  Quand  donc  nous  sommes  venus  iusques  la,  et  en  ceste  extremite  si  grande,  voyla  Iesus  Christ  qui  nous  donne  le  remede  pour  addoucir  toutes  nos  tnstesses:  c'est  qu'il  nous  certifie  qu'il  suffira  luy  seul  pour  faire  que  nous  parvenions  au  salut  qu'il  nous  a  acquis.  Voyla  comme  nous  sommes  iustifiez  par  la  foy.  Nous  voyons  donc  que  le  Prophete  parle  tout  ainsi  que  S.  Paul  a  parle  depuis  luy.  C'est  qu'en  premier  lieu  il  nous  faut  venir  a  la  mort  et  passion  de  nostre  Seigneur  Iesus  Christ,  et  le  contempler  estant  la  crucifie  pour  nous:  et  puis  que  par  l'Evangile  nous  soyons  asseurez  que  ce  que  Iesus  Christ  a  fait  et  souffert,  auiourd'huy  nous  appartient,  et  nous  est  applicque,  d'autant  que  le  Pere  ne  veut  point  que  ceste  mort-la  ait  este  inutile:  mais  que  ce  soit  un  sacrifice  de  plene  vertu  et  effect,  qui  fructifie  iournellement  en  nous.  Voyla  en  somme  ce  que  nous  avons  a  retenir  de  ce  passage.  Cependant  notons  que  ceste  cognoissance  de  nostre  Seigneur  Iesus  Christ  n'est  pas  une  chose  vaine:  comme  plusieurs,  quand  on  leur  parle  de  la  cognoissance  de  l'Evangile,  entendent  que  c'est  assez  qu'on  concoyve  de  quelque  pensee  volage  ce  qui  est  enseigne:  mais  c'est  que  nous  tenions  nostre  Seigneur  Iesus  pour  la  seule  cause  de  nostre  salut.  Ce  qui  ne  se  peut  faire  que  nous  ne  sentions  au  vif  que  nous  sommes  perdus  en  nous-mesme&:  et  puis,  que  Dieu,  selon  qu'il  nous  a  voulu  recevoir  une  fois  a  merci,  auiourd'huy  fait  valoir  cela  en  nous.  Et  de  faict,  il  est  impossible  que  nous  parvenions  a  ceste  cognoissance,  que  nous  ne  soyons  illuminez  par  le  sainct  Esprit:  ce  que  quand  nous  avons,  c'est  desia  un  signe  infaillible  que  Dieu  veut  besongner  en  nous,  afin  de  nous  mettre  en  posses-