23:672  de  payer  un  huitieme,  que  les  autres  un  disme.  Quoy  qu'il  en  soit,  ce  mot  de  disme  a  este  fort  commun  et  vulgaire  a  toutes  nations:  et  les  Princes  et  seigneurs,  comme  i'ay  dit,  depuis  que  l'Evangile  a  este  receu  ont  applique  une  partie  des  dismes  a  nourrir  les  ministres  de  la  Parole,  comme  aussi  c'est  bien  raison,  ainsi  que  dit  sainct  Paul,  que  si  ceux  qui  ont  este  ministres  de  l'autel  en  l'ancien  Testament  ont  este  nourris,  ceux  qui  sacrifient  auiourd'huy  a  Dieu  d'une  facon  plus  excellente,  c'est  qui  luy  acquierent  les  ames  pour  luy  en  faire  sacrifice,  que  ceux-la  soyent  aussi  bien  substantez:  et  combien  que  Dieu  n'ait  point  qualifie  comment  ne  de  quel  revenu  on  les  doit  nourrir,  si  est-ce  que  la  loy  y  est.  Or  donc  depuis  que  Dieu  a  este  cogneu  par  la  predication  de  l'Evangile,  et  qu'il  a  este  dresse  quelque  ordre  et  police  de  Chrestiente  [pag.  77],  on  a  applique  la  une  partie  des  dismes.  Et  en  cela  voyons-nous  la  faussete  du  Pape  et  de  tous  les  siens:  car  quand  ils  traittent  en  leurs  Canons  du  droit  des  dismes,  ils  prennent  cela  comme  s'il  leur  estoit  transfere  apres  que  Iesus  Christ  a  mis  fin  a  la  sacrificature  de  Levi.  Cela  ne  sont  que  mensonges  et  faussetez,  et  ils  falsifiant  l'Escriture  saincte,  et  la  corrompent  meschamment.  Car  nous  voyons  a  l'opposite,  comme  il  a  este  monstre,  qu'on  s'en  est  passe  longtemps,  qu'on  ne  savoit  que  c'estoit  de  payer  dismes  en  vertu  de  la  Loy  de  Moyse:  et  les  payoit-on  tousiours,  ou  a  l'Empereur,  ou  a  quelques  seigneurs  particuliers.  Mais  maintenant  puis  que  la  chose  a  este  ainsi  ordonnee  (moyennant  que  l'abus  n'y  soit  point,  et  qu'on  ne  face  point  a  croire  contre  toute  verite,  que  cela  est  procede  de  l'Escriture  saincte:  mais  qu'on  le  prenne  pour  une  police)  qu'on  retienne  la  reigle  que  met  S.  Paul:  c'est  assavoir  de  ne  frauder  un  boeuf,  quand  il  travaille  pour  nostre  nourriture:  par  plus  forte  raison  ceux  qui  annoncent  la  doctrine  de  salut,  qui  sont  ordonnez  en  un  estat  si  excellent,  ce  n'est  pas  raison  qu'on  les  prive  de  leur  boire  et  de  leur  manger,  mais  qu'ils  doivent  bien  estre  salariez.  Or  comme  i'ay  dit,  quand  les  dismes  et  choses  semblables  sont  appliquees  a  bon  usage:  il  ne  faut  point  aller  cercher  par  le  menu  pourquoy  cela  se  [pag.  78]  fait.  Comme  il  y  a  des  phantastiques  qui  voudront  renverser  tout  le  monde,  qui  diront,  O  ce  n'est  pas  maintenant  la  saison  de  payer  les  dismes:  et  puis  qu'on  a  abuse  d'une  telle  chose,  il  ne  faut  plus  que  cela  demeure.  Il  faudroit  donc  tout  racler  a  leur  dire:  car  il  leur  semble  que  la  Chrestiente  gist  en  faisant  changer  de  couleur  au  soleil  et  a  la  lune.  Mais  comme  i'ay  dit,  s'il  y  a  chose  qui  soit  a  corriger,  qu'il  y  ait  quelque  opinion  fausse  que  les  papistes  ayent  introduite,  que  cela  soit  aboli.  Et  cependant  qu'on  se  tienne  a  ce  qui  est  bien  institue  :  c'est  assavoir  que  les  dismes  et  choses  semblables