9:671  671  RESPONSIO  672  stinans,  Mosi  dixerit:  Miserebor  cuius  miserebor,  et  misericordiam  praestabo,  cui  misericordiam  praestitero.  Nam  discrimen  omne  in  servandis  vel  perdendis  hominibus  ad  arbitrium  suum  revocans,  se  non  omnibus  spiritum  resipiscentiae  dare  ostendit.  Quaere  etiam,  quomodo  poenitentiam  Deus  sibi  tribuat,  quasi  mutabilis,  vel  parum  providens.  Quid  enim  fugiet  eorum  proterviam,  dum  sibi  tam  licentiose  Dei  mysteriis  obstrepere  permittunt?  Solutio  huius  quaestionis  ex  principio  Iudaeis  incognito  pendet,  quia  percussi  sunt  spiritu  vertiginis  et  amentiae.  Quod  Christus  idem  est  cum  patre  Deus,  non  obstat  quo  minus  homo  factus  humanos  affectus  susceperit.  Distincta  ergo  ei  fuit  a  patre  voluntas,  quia  nihil  a  se  alienum  esse  voluit,  quod  esset  hominis  proprium.  In  Deum  vero  non  cadit  vel  spes,  vel  metus,  vel  gaudium,  vel  tristitia.  Denique  nisi  caput  hoc  fidei  nostrae  evertant,  Christum  esse  Deum  et  hominem,  frustra  et  stulte  de  voluntate  duplici  contendunt.  XIX  IUDAEUS.  Quaere:  Si  ille  fuit  Deus,  quare  dum  oraret  dixit  patri  suo,  ut  faceret  voluntatem  suam?  Hinc  apparet  quod  non  haberet  potentiam  in  manu  sua,  qua  quidquam  posset  facere:  sed  tantum  faciebat  ex  voluntate  patris  sui.  non  autem  ex  potentia  sua.  CALVINUS.  Quaere,  quum  angelus  qui  ad  Abraham  et  Loth  descendit,  se  faciat  iudicem  Sodomae,  omnemque  Dei  potentiam  sibi  vendicet  :  paulo  post  tamen  neget  se  quidquam  posse  facere,  donec  Loth  fuerit  egressus,  an  hominis  arbitrio  alligata  erat  virtus  Dei,  et  ligatae  eius  manus  donec  mortalis  homo  annueret?  Hic  vero  nihil  nobis  obiectant  quod  non  intrepide  apostolus  praedicet,  Christum  ex  infirmitate  carnis  mortuum  esse,  qui  resurrexit  in  virtute  spiritus  (1.  Pet.  3,  18).  In  Christo  semper  nobis  observandum  est  mediatoris  munus,  quod  praestare  non  potuit  sine  obsequio,  sicuti  nec  obsequio  potuit  defungi,  quin  se  humiliaret.  Christus  ergo  secundum  hominem  non  modo  infirmus  esse  sustinuit,  sed  assumpta  servi  forma  exinanivit  se  ipsum,  non  quod  ex  aeterna  eius  virtute  quidquam  decesserit,  vel  fuerit  imminutum,  sed  quia  quietam  se  continuit  eius  divinitas,  donec  in  hominis  persona  plenam  obedientiam  patri  suo  praestaret.  Hoc  modo  conveniunt  duae  istae  sententiae:  Ego  a  me  ipso  animam  meam  pono  et  iterum  sumam  eam,  item:  pater  glorifica  filium  tuum  (Ioann.  10,  17;  Ioann.  17,  1).