8:671  671  SERVETI  672  externa  agunt  in  animum,  sicut  actus  in  habitum:  ab  operibus  bonis  vel  malis,  bene  vel  male  x)  afficitur  animus,  sicut  ab  obiecto  afficitur  sensus:  ergo  aliquid  efficiunt,  augent  vel  minuunt.  Septimo:  Verba  sunt  Dei  Gen.  22:  Quia  fecisti  rem  hanc,  iuro  tibi.  Aliquid  favoris  peperit  factum  illud  ipsi  Abrahae,  ut  tunc  iuraret  Deus,  quod  antea  non  fecerat:  et  uberiorem  faceret  promissionem,  quam  ante,  quando  Abraham  crediderat.  Octavo:  Iustificatus  dicitur  Abraham  Gen.  15  eo  solo,  quod  credidit  Deo  promittenti  numerosam  progeniem.  Mera  fuit  gratia.  Iustificatus  vero  iam  erat  antea  credens  Deo,  iubenti  exire  de  terra  propria  Gen.  12  et  Heb.  ll.  Quonam  modo  est  iterum  cap.  15  iustificatus?  accessione  maioris  iustitiae.  Insignis  ille  de  iustitia  eius  locus  prae  aliis  notatur  capite  decimo  quinto  :  quia  ibi  Christus  promittitur,  creditur,  et  a  propheta  videtur,  et  quia  fuit  ibi  intensior  assensus.  Sensim  induitur  fides,  crescit  fides,  et  crescit  iustitia.  Ad  quem  modum  et  in  nobis  debet  ad  certam  metam  esse  interna  fides,  ut  dicatur  viva,  et  vivificante  [pag.  606]  spiritu  magis  ornetur.  Nono:  Fides  est  credere,  credendi  actus  factum  est.  Ergo  sicut  ex  facto  Ulo  incipit  ad  iustitiam  imputatio,  ita  ex  factis  aliis,  Deo  gratis,  crescere  potest,  quum  sint  omnia  dona  Dei.  Decimo:  Factum  Phinees  imputatum  est  ei  ad  iustitiam,  Psal.  105.  Non  ait,  fuisse  solam  declarationem,  sed  imputatum  est  ei,  sicut  Abrahae  imputatum  est.  Ipsa  restitutio  pignoris  imputatur  ad  iustitiam  coram  Deo  Deut.  24,  ut  iam  concludam,  data  fide,  quid  est  superlucrari?  Quid  est  per  bona  opera  recondere  sibi  thesauros,  in  futuro  saeculo  inveniendos?  Thesauros,  ait  Christus,  multiplices  Matth.  6.  Fidem  solam  Christi,  seclusis  operibus,  gratis  iustificare  sibi  credentes,  docet  merito  Paulus.  Sola  fides  Christi,  quem  ex  impio  facit  pium,  ex  iniusto  iustum,  sine  aliis  operibus,  ut  latronem  iustificavit.  At  nihilominus  bonorum  operum  thesaurus  suus  cuique  servatur.  In  futuro  saeculo  nihil  magis  observandum,  quam  singulorum  operum  examen:  ut  qui  plus  facit,  sit  ibi  futurus  maior,  qui  minus,  minor.  Atque  ita  augetur  iustitia  et  gloria  ex  actibus  innumeris,  tam  internis  quam  externis,  a  Christo  ipso  praeceptis,  pro  quibus  et  ipse  copiosam  fore  gloriae  mercedem  nobis  affirmat.  EPISTOLA  DUODECIMA.  Insulsis  rationibus  opera  omnia  semper  damnas.  Qualiacunque  sint  facta,  ea  semper  ais  esse  peccata,  faecibus  admixta,  ut  omnia  Deo  foeteant,  et  mortem  aeternam  promereantur.  In  opera  spiritus  blasphemas,  et  mortem  primam  a  secunda  non  bene  discernis.  1)  bene  vel  male  om.