49:671  671  SERMONS  672  HUITIEME  SERMON.  1.  COR.  Chap.  X  v.  19.24  Nous  avons  veu  dernierement  la  doctrine  que  nous  monstroit  sainct  Paul,  quant  au  vray  usage  des  Sacremens,  c'est  que  nous  devons  estre  tellement  alliez  et  conioints  a  Dieu  que  nous  soyons  separez  de  toutes  abominations  qui  sont  contraires  a  son  service,  et  n'y  peuvent  convenir.  Pour  monstrer  cela,  il  alleguoit  que  ce  n'est  pas  en  vain  que  les  Sacremens  nous  sont  ordonnez:  mais  qu'ils  emportent  un  lieu  naturel  entre  Dieu  et  les  hommes  :  comme  on  le  voit  par  les  figures  anciennes  de  la  Loy,  et  comme  nous  en  avons  plus  ample  declaration  en  l'Evangile.  Mais  la  dessus  on  pouvoit  faire  une  question,  Si  en  participant  aux  superstitions  des  incredules  nous  sommes  enveloppez  parmi  leurs  idolatries:  car  ce  n'est  rien  du  tout  ce  qu'ils  font:  il  n'y  a  que  vanite  et  mensonge.  Quant  aux  Sacremens  qui  nous  sont  donnez  de  Dieu  et  de  nostre  Seigneur  Iesus  Christ  c'est  bien  autre  chose:  et  ne  se  faut  point  esbahir  s'ils  ont  une  telle  vertu  comme  il  en  a  este  parle:  car  le  S.  Esprit  y  besongne:  ce  ne  sont  pas  figures  vaines  ne  frivoles,  mais  Dieu  est  la  pour  accomplir  ce  qu'il  figure.  Il  n'est  pas  ainsi  des  superstitions,  ce  ne  sont  que  des  badinages,  et  les  homme  s'abusent  a  des  tromperies  de  Satan.  Il  sembleroit  donc  quand  un  homme  se  meslera  parmi  les  idolatries,  que  cela  n'emporte  ne  froid  ne  chaud,  comme  on  dit:  pour  ce  qu'il  n'y  a  nul  effet,  et  que  les  idoles  ne  sont  rien:  mais  les  hommes  ont  controuve  cela  a  leur  fantasie.  Or  sainct  Paul  la  dessus  respond.  Il  est  bien  vray  que  l'idole  n'est  rien:  mais  il  faut  regarder  l'intention  des  hommes.  Car  ceux  qui  inventent  ainsi,  et  controuvent  des  services  nouveaux,  Sacrifient  au  diable  et  non  pas  a  Dieu.  Il  s'ensuit  donc  qu'on  est  comme  attache  a  la  servitude  de  Satan:  quand  on  ^'accouple  avec  les  Payens  et  gens  profanes,  qui  convertissent  ainsi  la  verite  de  Dieu  en  mensonge.  Voyla  donc  ce  que  sainct  Paul  respond  la  dessus,  et  couppe  broche  a  ceste  subtilite  qu'aucuns  (comme  ie  vien  de  dire)  pouvoyent  amener  alors  pour  leurs  excuses:  comme  nous  scavons  que  les  hommes  auront  tousiours  ie  ne  scay  quoy  pour  fuir  leur  condamnation,  et  aiment  mieux  se  monstrer  effrontez,  que  d'avoir  la  bouche  close:  tellement  que  tousiours  ils  replicqueront  contre  Dieu  en  se  rebecquant.  S.  Paul  en  un  mot  declare  que  tout  ce  que  les  hommes  pourront  ici  caviller,  ne  sera  rien.  Car  voyci  Dieu  qui  a  institue  son  service,  et  a  declare  quand