23:671  671  SERMONS.  672  au  lieu:  c'est  assavoir  Ephraim  et  Manasse.  Voila  Levi  qui  est  prive  de  son  heritage  :  si  est-ce  que  desia,  il  lui  estoit  assigne  de  Dieu.  C'est  donc  pourquoy  ses  successeurs  sont  recompensez  aux  decimes.  Or  Dieu  l'a  ainsi  fait  pour  deux  raisons:  la  premiere,  afin  qu'ils  ne  fussent  pas  distraicts  ny  du  service  qui  leur  estoit  commis  en  charge,  ny  aussi  de  la  doctrine.  Oar  Dieu  n'a  pas  eleu  les  sacrificateurs  souz  la  Loy  pour  faire  seulement  des  ceremonies:  mais  ils  avoyent  l'autre  raison,  de  laquelle  il  est  parle  au  Prophete  Malachie,  c'est  qu'il  les  ordonnoit  ses  ambassadeurs,  a  ce  qu'on  intefroguast  leur  bouche  pour  avoir  une  vraye  science  et  une  exposition  pure  de  la  Loy.  Afin  donc  que  les  sacrificateurs  peussent  vaquer  au  service  du  temple  et  a  enseigner  le  peuple:  les  dismes  leurs  estoyent  assignees.  Pour  laquelle  raison  aussi  ils  estoyent  dispersez  par  tout  le  pais.  Ils  n'avoyent  point  de  partage  propre,  pour  dire  qu'ils  deussent  habiter  [pag.  75]  en  une  certaine  region  comme  les  autres:  mais  ils  estoyent  semez  ca  et  la  afin  qu'il  n'y  eust  nul  anglet  de  la  terre  ou  Dieu  n'eust  ses  messagers  et  procureurs  pour  retenir  le  peuple  en  bride.  Voila  (di-ie)  la  raison  pourquoy  Dieu  a  voulu  qu'ils  eussent  les  dismes,  et  quilz  ne  fussent  point  occupez  a  cultiver  la  terre.  Il  y  a  la  seconde  raison,  c'est  que  s'ilz  eussent  possede  la  terre,  Dieu  n'eust  pas  este  recognu  Seigneur  et  Maistre,  comme  il  a  este  quand  les  sacrificateurs  Levitiques  ont  este  comme  ses  receveurs,  qu'il  les  a  la  mis  en  son  nom  pour  exiger  le  droit  de  superiorite  et  l'hommage  qu'il  avoit  par  dessus  la  terre:  et  aussi  combien  que  les  enfans  d'Israel  receussent  ce  qui  leur  estoit  deu  par  succession  et  heritage  de  leur  pere  Abram,  si  est-ce  toutesfois  que  Dieu  leur  estoit  comme  apparu  pour  monstrer  que  la  terre  estoit  sienne,  et  qu'il  s'en  estoit  retenu  la  propriete,  et  qu'ils  en  estoyent  possesseurs  a  telle  condition,  qu'il  falloit  qu'ils  tinssent  leur  bien  de  luy,  et  qu'ils  le  monstrassent  ainsi  par  effet.  Ioinct  aussi  qu'il  y  avoit  des  oblations  faites  aux  povres  de  ces  decimes  ici:  car  il  n'est  pas  dit  que  les  sacrificateurs  deussent  tout  gourmander,  mais  qu'ils  se  dismeroyent  euxmesmes,  pour  monstrer  qu'ils  ne  sont  pas  exemptez  de  la  Loy  commune,  mais  qu'ils  sont  redevables  a  Dieu  du  pain  qu'ils  mangent,  et  que  le  tout  procede  [pag.  76]  de  sa  pure  bonte.  Voila  donc  comme  les  decimes  que  la  Loy  contient  ont  este  speciales  pour  le  peuple  d'Israel.  Or  cependant  les  decimes  ont  este  assez  communes  entre  les  Payens,  mesmes  pour  les  Roys,  les  Princes  et  seigneurs.  Nous  voyons  mesmes  par  les  histoires  profanes,  qu'on  les  a  exigees,  et  mesmes  qu'il  y  a  eu  plus  grande  rigueur  en  aucuns  pais,  selon  la  fertilite  qui  y  estoit:  car  tel  pais  est  si  gras  et  rapportera  tant,  que  ceux  qui  cultivent  les  terres,  ne  seront  point  si  chargez