9:670  facit,  ut  caro  sua  cibus  sit  noster.  Dicimus  ergo  vere  comedisse  apostolos  carnem  Christi,  non  qualiter  comedi  solet  caro  ex  macello  empta,  sed  quia  non  aliter  animas  ipsorum  aluit  Christus,  sicuti  nostras  quotidie  alit  in  spiritualem  vitam,  quam  pane  et  cibo  corpus  pascitur.  XVII.  IUDAEUS.  Quaere:  Quorsum  angustia  animae  eius  propter  mortem?  Si  dixeris  id  esse  propter  carnem  quae  pavet,  nonne  ille  dicit,  angustia  animae  meae,  non  autem,  angustia  carnis  meae?  Item  nullus  est  qui  nesciat,  carnem  non  loqui,  nec  scire  quidquam,  sed  esse  tanquam  lapidem,  nisi  adsit  vis  spiritus.  CALVINUS.  Quaere,  si  caro  sensu  et  motu  omni  caret,  quomodo  dicat  Isaias  (40,  5):  Videbit  omnis  caro  gloriam  Dei?  Cur  dicat  Moses:  Omnis  caro  corrupit  viam  suam?  (G-en.  6,  12)  imo  cur  ubique  tota  lex  carni  adscribat,  quaecunque  in  hominem  competunt?  Hinc  vero  planum  fit,  quam  sine  iudicio  arrodant  rabiosi  isti  canes,  quidquid  ex  novo  testamento  proferri  audiunt.  Nihil  notius  est,  vel  magis  tritum,  quam  sub  carnis  voce  designari  homines,  atque  ita  tam  animam,  quam  corpus  comprehendi.  Quod  ergo  Christum  mortem  exhorruisse  in  carne  dicimus,  ad  humanam  eius  naturam  refertur:  quia  fieri  non  potuit,  quin  verus  homo  naturaliter  mortem  refugeret:  moerorem  interea  hunc  et  angustias  pertulit  in  anima,  quia  corpus  induendo  simul  animam  passibilem  assumpsit.  XVIII.  IUDAEUS.  Quaere:  Si  est  filius  Dei,  et  si  pater  et  filius  unum  tantum  sunt,  necessario  etiam  eadem  est  eorum  voluntas.  Ipse  tamen  quum  oraret  ante  patrem  suum,  dixit:  Pater  mi,  si  fieri  potest  ut  non  bibam  calicem  hunc,  fac:  sin  minus,  fac  ut  est  bonum  in  oculis  tuis:  non  fiat  secundum  voluntatem  meam,  sed  secundum  voluntatem  tuam.  Ergo  non  sunt  eorum  voluntates  similes.  CALVINUS.  Quaere  vicissim,  quomodo  Deus  pronunciet  se  nolle  mortem  peccatoris,  reprobos  tamen  exitio  de-