8:670  in  finali  iudicio  coram  Deo  profutura.  Et  tamen  ibi  nihil  de  promissionibus  auditur.  Libro  secundo  de  Iustitia  regni  Christi,  cap.  2  et  3  plerosque  iustificatos  ostendi,  quibus  v  ulla  tunc  succurrebat  promissio.  Promissiones  quidem  addebat  olim  Deus  in  lege,  et  promissiones  addebat  Christus,  cum  salubribus1)  miraculis,  ut  ad  se  facilius  nos  alliceret.  Scopus  tamen  fidei  nostrae  est  ipse  Christus*  ut  eum  esse  verum  Messiam,  filium  Dei,  salvatorem  nostrum,  fiducia  certa  credamus:  ad  idque2)  promissionibus  divinis,  et  aliis  de  coelo  testibus,  magis  firmemur.  EPISTOLA  UNDECIMA.  Quia  facta  omnia,  et  actus  quoscunque  bonos  vos  omnes  deluditis,  vestro  in  Iacobum  commento,  Abrahamum  dicentes  esse  factis  iustificatum,  id  est,  declaratum  iustum:  operaepretium  me  facturum  puto,  si  errorem  hunc  eliminare  tentavero.  Fateor  quidem,  operibus  declarari  fidem,  sed  opera  quid  aliud  efficere,  multis  rationibus  ostendo.  Primo:  Malefacta  aliud  efficiunt,  quam  declarare.  Furtum,  adulterium,  homicidium,  et  alia  eiusmodi  nonne  sunt  peccata?  Si  actibus  his,  sive  externe,  sive  interne  sumptis,  respondet  aliqua  poena,  quare  contrariis  non  respondebit  aliqua  gloria  ?  Saltem  post  ademptam"')  gratiam,  ne  tu  omnia  antea  fuisse  prava  cavilleris.  Virtus  gratiae  aequatur  virtuti  peccati,  ac  etiam  superabundat  Hom.  5.  Ergo  benefacta  in  gratia  tantum  vale)  it,  ad  augendam  gloriam,  quantum  malefacta  in  peccato  valent  ad  augendam  poenam.  Secundo:  Cognoscenda  tibi  est  vis  dictionis  exclusivae  Iacobi:  Non  ex  fide  tantum  iustificatus  est  Abraham,  sed  ex  factis  quoque.  Ergo  ad  eandem  iustitiam,  quam  fides  effecerat,  [pag.  G  o  5]  aliquid  adiecerunt  facta.  Tertio:  Declaratio  illa  res  inanis  est,  hypocrisis  est,  si  sola  declaratio  quaeratur.  Solus  erat  Abraham  cum  Deo,  qui  declaratione  non  indigebat,  sed  veram  et  spontaneam  operum  accessionem  adhuc  exposcebat.  Quarto:  Merces  operum,  doctore  Christo,  re  ipsa  aliquid  est,  quod  rependetur.4)  Intellige  mercedem,  ad  certam  mensuram  factis  singulis  respondentem,  ut  ea  mensura,  qua  aliis  metimur,  remetiatur  nobis.  Quinto:  Aliquando  dicimur  iustificari,  id  est,  iusti  declarari,  ut  in  iudiciali  foro.  Alioqui  iustificari  dicitur,  qui  ex  iniusto  fit  iustus,  et  qui  ex  iusto  fit  iustior,  seu  cuius  iustitiae  aliquid  accedit,  ut  accipit  Iacobus.  Sicut  qiii  sordidus  est,  sordescit  adhuc,  et  fit  sordidior:  ita  qui  iustus  est,  iustificatur  adhuc,  et  fit  iustior,  teste  Ioanne.  Paulus  quoque  per  opera  augeri  docet  iustitiae  proventum  2.  Cor.  9.  Sexto:  Facta  1)  salutaribus.  2)  atque  id.  3)  adeptam.  4)  rependitur.