49:670  nous  avons  de  cognoissance  d'avoir  este  recueillis  au  corps  de  nostre  Seigneur  Iesus  Christ?  Voyla  a  quoy  S.  Paul  a  pretendu.  ll  est  vray  qu'il  met  notamment  Israel  selon  la  chair,  pour  ce  qu'il  n'estoit  point  besoin  de  ce  temps  la  d'adherer  a  toutes  les  ceremonies  de  la  Loy.  Et  sainct  Paul  ne  leur  propose  aussi  cela,  sinon  que  comme  une  chose  morte,  voire  quant  a  l'usage:  car  les  sacrifices  ne  devoyent  plus  estre  en  usage.  Sainct  Paul  donc  monstre  que  le  peuple  d'Israel  n'estoit  plus  comme  auparavant,  ascavoir  comme  un  peuple  choisi  de  Dieu:  et  combien  qu'il  se  feist  a  croire  du  contraire,  que  neantmoins  ils  n'avoyent  plus  sinon  des  titres  charnels,  et  que  ce  n'estoit  plus  qu'un  masque.  Voyla  donc  a  quoy  sainct  Paul  a  regarde:  mais  cependant  son  intention  principale  est  de  monstrer  (comme  ji'ay  desia  dit)  que  si  les  Sacremens  qui  nous  sont  ordonnez  par  nostre  Seigneur  Iesus  Christ,  et  desquels  l'usage  doit  estre  permanent  en  l'Eglise  iusques  en  la  fin  du  monde,  nous  obligent  de  nous  separer  de  toutes  pollutions,  que  nous  devons  bien  aussi  cognoistre  comme  ii  nous  approchent  de  Dieu  :  et  que  pourtant  il  nous  faut  bien  contempler  la  maieste  qui  y  est.  Et  comment  cela  se  fera-il?  En  faisant  la  comparaison  dont  il  use,  de  nous  avec  les  Peres  anciens  qui  ont  este  sous  la  Loy.  Car  combien  qu'ils  n'eussent  que  des  figures  qui  estoyent  pour  monstrer  Iesus  Christ  de  loin,  et  comme  en  son  absence:  si  est-ce  qu'ils  ont  este  conioints  a  Dieu,  et  a  falu  qu'ils  s'appliqua8sent  a  son  service,  et  ne  fussent  point  meslez  parmi  les  pollutions  des  Payens.  Par  plus  forte  raison  auiourd'huy  il  nous  faut  sanctifier,  et  non  pas  en  ceste  facon  ancienne  par  ceremonies,  mais  en  pure  verite.  Et  d'autant  qu'il  s'approche  de  nous,  que  nous  luy  respondions  de  nostre  coste,  et  qu'il  n'y  ait  nulle  feintise  en  nous:  car  auiourd'huy  nous  ne  sommes  point  seulement  comme  les  Levites,  portans  les  vaisseaux  du  temple:  mais  nous  sommes  les  vaisseaux  mesmes  du  temple,  nous  sommes  mesmes  les  temples  de  Dieu,  nous  sommes  les  sacrifices.  Puis  qu'ainsi  est  donc,  c'est  bien  raison  qu'un  chacun  de  nous  se  conserve  tellement  impollu,  que  Dieu  soit  honore  au  milieu  de  nous:  et  que  non  seulement  nous  facions  cela  un  chacun  a  part  soy,  mais  que  nous  en  rendions  devant  les  hommes  une  telle  confession  et  un  tel  tesmoignage  que  Dieu  requiert  de  nous.  Or  nous  nous  prosternerons  devant  la  maieste  de  nostre  bon  Dieu,  etc.